________________
10३
सुमइनाह-चरियं
तग्गुणकित्तणु तहिं सुणिहि बंदियणिहिं किज्जंतु ।
तह पडिरव-पूरिय-भुवणु तूर-निवहु वज्जंतु ||६६१|| इंत-जंतेण रायलोएण केणावि वर-हय-गय(ए?)ण केणवि मत्तमयगल-निविहेण, केणावि संदण-बिहेण केण वि सुह-सुहासण-बइठेण अग्गइ आसि जि रायपह सुह-संचर-वित्थिन ते तहिं समइ समग्ग हुय दुस्संचर-संकिन्नउ । तह वि वज्जिय-अवर-वावार कोऊहल-हरिय-मण रमणि-चंद्र-आबद्ध-मंडललावन्न-संपुल-तणु दिप्पमाण-मणि-कणयकुंडल, काओ वि अद्यालय-चडिय, काओ वि हट्ट-पवन, काओ वि भवण-गवक्ख-गय, काओ वि मंच-निसन्न,
इय जा बहुप्पयारं जण-वावारं पुरम्मि पेच्छंता । वच्चंति ता सयंवर-मंडवमह ते पलोयंति ॥६७०।। जो रयण-विणिम्मिय-तारिआहिं पसरंत-कंति-निवहाहिं । तारय-नियरं दिवसे वि दंसयंतो व्व पडिहाइ ॥६७१|| मणि-सालभंजियाहिं कंचणमय-खंभ-सब्लिविद्याहिं । कोउगवसागयाहिं जो छज्जइ अच्छराहिं व ॥६७२।। मुत्तावचूल-कलिओ जो रेहइ सेअ-चमर-मालाहिं । निवडिर-धारा-निवहो बलाय-पंतीहिं मेहो व्व !!६७३।।
तत्थ य महा-विछड्डेण पविसंतेसु रायकुमरेसु कुमारो बहुरूविणीए विज्जाए वामणग-रूवधारी तेण बंदिणा समं पविहो । वामणगरूवधारिणो वि दह्ण अउव्वं सोहा-समुदयं तस्स लोएहिं दिल्लो मग्गो रंग-मज्ो । दिहो इमो पुरिसोत्तम-राएण । तओ मणहर-दंसणो को वि एसो त्ति संजाय-संभमेण रन्ना दाविआसणे उवविठ्ठो कुमार, पिट्टओ अ बंदी । दिहो कुमारो पडिवण्ण-सरीरो व्व रइवल्लहो सोहग्गमंजरीए । चिंतियं च--- अजुत्तं मए ववसिअं, जं पइन्ना कया
वीणा-विणोअ-विनाण-वजिओ वि हु इमो पुरिस-रयणं । परिणेयन्वो सोहग्ग-गुण-निही निच्छएण मए ||६७४|| तं चेव नियइ तं चेव चिंतए पत्थए य तं चेव ।
जाया खणमेत्तेणं सा कुमरी तम्मया तइया ||६७५|| तओ जहारिह-क य-संमाणे सु निसन्ने सु रायतणएसु मिलिए
Jain Education International
For Private & Personal Use Only
www.jainelibrary.org
