________________
१०१
सुमइनाह-चरियं वणदेवयाए भणियं--
जइ एवं ता लीलावईए गरुयाणुराय-कलियाए । हात्ति करग्गहणेणं कीरंतु मणोरहा सहला ||६५१|| कुमारेण भणियं-- जं भे रोयइ । तओ
दोण्हं पि करग्गहणं नरिंद-विज्जाहरिंद-कन्नाणं ।
गंधव्व-विवाहेणं कयं कुमारेण सुमुहुत्ते ।।६५२।। पवणवेग-विज्जाहरो वि पणमिऊण कुमार-चलणे भइणि-विवाहेण कयत्थमप्पाणयं मन्नं तो गओ सहाणं । कुमारो गमणूसुयमणो वि वणदेवया-वयणेण ठिओ केत्तियं पि कालं, देवीए य संपाडिज्जमाणमणिं दियाणुकूल-सयल-भो गोवभो गोवगरणो ताहिं समं विसयसुहमणुहवइ ।
अह "केत्तियम्मि काले वोलीणे पुरिससीह-कुमरस्स । जाया मणम्मि चिंता किमेवमहमेत्थ' चिहामि ? ||६५३|| जइ वि हु पायालघरं समग्ग-भोगोवभोग-रमणिज्जं । तह वि हु एयं पडिहाइ मज्जा गब्भासय-सरिच्छं ||६५४|| जओजं विक्कमेण चाएण दीण-दुहिओवयार-करणेण । नर-जम्म-फलं जस-धम्म-अज्जणं वज्जरंति बुहा ||६५५।। तं नत्थि "एत्थ पायालमंदिरे मज्झ संवसंतस्स । अप्पंभरिणो निच्चं कायरस व विहल-जीयस्स ||६५६|| इय चिंतिऊण कुमरो कयाइ वणदेवयाइ विरहम्मि । लीलावइ-कमलावई-भज्जाणं सुहपसुत्ताणं ||६५७|| अमणिय-पय-संचारं पायालघराओ इत्ति निक्खंतो । तं लंधिऊण रच्नं गिरि-सरिया-तरुवर-रवण्णं ॥६५८।। पुहइं परिब्भमंतो गामाऽऽगर-नगर-गोउलाइल्नं । कालेण कित्तिएणं पत्तो एगम्मि गामम्मि ||६५१।। उवविठ्ठो देवउले, बंदिणमेक्वं पलोइउं पुरओ । पुच्छइ महायस ! तुमं कत्तो कत्थ व पयट्टो सि ? ||६६०।।
For Private & Personal Use Only
Jain Education International
www.jainelibrary.org
