________________
सुमइनाह-चरियं
लोउत्तर-फुरंत-तेओ को वि एसो ? ति चिंतयंतो खयरो खुहिओ वि हियएण अक्खुहिओ व्व जंपिउं पवत्तो-- अरे रे ! को तुमं चोरो व्व सुल्न-परघरे पविट्ठो ? | किं दुरायार ! न मुणसि जं परघरे परित्थियाहिं समं संवासो विरुद्धो त्ति ? | ता सव्वहा चत्त-साहु-समायारो वि तुमं विमुक्को मए करुणारए[ण] । जीवियं घेत्तूण तुरियं पलायसु । सम्मुहो वा होसु । तओ ईसि हरिस-वस-विसप्पंत-दंत-पंति-कंतिणा कुमारेण वुत्तं- अरे ! कालपत्तस्स च ते चलिया धाउणो तेण पलोयसि सव्वं पि पीय-धत्तूरओ व्व विवरीयं । तं मज्हा परघरमिणं तुह उण पिउ-संतियं एयं ?
एयाओ इत्थियाओ मह चेव परित्थियाओ नो तुज्डा ? | एयाहिं सह विरुद्धो वासो मह “चेव नो तुज्डा ? ||६४८।। गय-साहु-समायारोहमेव न तुमं ति केण सिक्खविओ ?| वोत्तुमिमं पुव्वुत्तं ता न मुणसि दुढ ! अप्पाणं ॥६४१।।
अहवा अहिहि ओ तुमं एयाहिं अलिय-सोंडीर-"मेत्त-गुणमोहियाहिं, अपेच्छंतीहिं तुज्ज अणायारं विज्जादेवयाहिं तेण तुह एयं खमिज्जइ । पूयणिज्जाओ सव्वाओ वि मज्झ देवयाओ । ता अज्ज वि चेयसु अत्ताणयं ति । मुंचसु अणायारं ।
एत्थंतरि हरिस-विसट्ट-वयण, पसरंत-कंति-कंदलिय-गयण । वर-हार-विराईय-वच्छदेस, अलि-कज्जल-सामल-कुडिल-केस । नीलुप्पल-पत्त-सव्वत्त-नेत्त, सप्पुरिस-चरिय-रव्वंत-चित्त । मणि-कुंडल-लीढ-कवोल-फलय, भुय-वल्लि-पहल्लिर-कणय-वलय। वियसंत-कंद-दिप्पंत-दंत, मणि-नेउर-रव-मुहलिय-दियंत । रणणिर-रयण-रसणा-कलाव, विलसंत-अणंत-महप्पभाव । इय विज्जादेवय दिव्वख्य सहस त्ति तिन्नि पच्चक्खहूय | करवाल-विज्ज बहुरूविणी य तइया गयणंगण-गामिणी य ||६५०।।
भणियं चऽणाहिं -- ‘कुमार ! "एत्तिय-कालं सोंडीर-मेत्त-गुणमोहियाहिं अपेच्छंतीहिं -अणायारं अहिट्ठियमिमस्स सरीरं । संपयं पुण जाणियं अकज्जकारित्तणं । तओ एय विरत्त-चित्ताओ मुत्तूण इमं तुह लोउत्तर-चरिय-रंजियाओ तुमं चैव अल्लीणाओ अम्हे, अन्नरस किलेसेण सिज्झामो | तुज्झ उण अचिंतणिज्ज-गुणावज्जिय-हिययाओ सयमेव
Jain Education International
For Private & Personal Use Only
www.jainelibrary.org
