________________
१३
सुमइनाह-चरियं
एत्तो य कह वि विनाय-रायकल्लोवलंभ-वुत्तंतो । परिओस-वियसिय-मुहो राया वि समागओ तत्थ ।।६१०।। रना मुणिओ धावी-मुहेण सयलो वि रयणि-वुत्तो । तो करि-कंधारुढो कुमरो नीओ नियं नयरं ||६११|| परिणाविओ य धूयं वसिओ सोक्खेण तत्थ कइ वि दिणे । अण्ण-दिणे कस्स वि अकहिऊण नयराउ निक्खंतो ।।६१२।। पत्तु पारद्ध-गुरुदेव-चलणच्चणं,
पवण-संजणिय-जिणभवण-धय-नच्चणं । सयल-जण-दूरपरिहरिय-परवंचणं,
दीण-बंदियण-दिज्जंत-धण-कंचणं ।।६१३|| कंचणपुरं८ नयरं । तत्थ वेरि-करि-घडा-विहडणे क्व - सीहो "वइरिसीहो राया । तस्स कमल-दल-दीह-नयणा नयणावली देवी । ताणं च केण वि अकखंडिय-पणया गुरुयण-पाय-पणया, निय-कायकंति-विणिज्जिय-कणया कणयावली तणया । सो य राया रयणीए सुहपसुत्तो कह वि डक्को सप्पेण | वाहरिया गारुडिया न संजाओ को वि गुणो । विसनो नयर-लोओ ।
दहण तं कुमारो नयरं पडिसिद्ध-तूर-गीय-रवं । कय-विक्वय-रहियं सोय-सलिल-संपुन्न-जण-नयणं ।।६१४|| पुच्छइ तहाविहं कं पि पुरिसं किं इमं पुरमसेसं ? | सो कहइ रुयंतो सप्प-दह-निव-वईयरं सव्वं ।।६१५|| तओ सो च्चिय सलाहणिज्जो तेण सुलद्धो इमो मणुय-जम्मो । जस्सोभयलोग-हिए परोवयारम्मि रमइ मई ||६१६|| इय चिंतिय कुमरेणं भणिओ सो अस्थि गारुडो मंतो । तं विन्नासेमि अहं जाणावसु मंति-पमुहाणं ।।६१७|| तेण वि तह त्ति विहिए. गंतूणं पुरिससीह-कुमरेणं । जीवाविओ नरिंदो गारुड-मंत-प्पभावेण ||६१८|| आणंदियं समग्गं नयरं राया वि गरुय-हरिसेण । परिणावइ कुमरं तं दाउं कणगावलिं धूयं ।।६११।।
Jain Education International
For Private & Personal Use Only
www.jainelibrary.org
