________________
GE
सिरिसोमप्पहसूरि-विरइयं रागी य तुमं जो निग्गुणं पि मनसि गुणड्डमप्पाणं । पणएसु पक्खवायं वहसि तहा रागचिंधमिणं ।।५६३।। अम्हारिसेसु कुप्पसि ससंक-विमले जिणिंद-धम्मे य । उव्वहसि जो पउसं सो कह दोसी न होसि तुमं ? ||५६४।। गय-राग-दोस-मोहं नमिऊण जिणं नमेइ को अन्नं । लद्धं कप्पदुमं को साहोडतरुं समल्लियइ ? ||५६५।। मज्या पुरओ पसंससि अप्पाणं गरुय अंतरे चुल्लो । न हि सुद-दुद्ध-सदा नियत्तए कंजियाईहिं ।।७६६|| 'जइ सि तुम चिय देवो जइ वा विजंति तुज्डा देव-गुणा । ता कीस अप्पणा मं हढेण पाएसु पाडेसि ॥५६७|| तेसिं चियच्छेओ जे नमंति न तुम समीहियत्थकरं । कप्पतरुणो न नस्सइ किंचि जणा जं न सेवंति ।।५६८।। इय जुत्ति-हेउ-संगय-वयणेहिं निरुत्तरीकओ रना । फुरिय-विवेगो संहरिय-डंबरो जंपए जक्खो ||७६१।। धन्नो तुमं सुलद्धं तुह जम्मं तुज्या जीवियं सहलं । जस्सेवं निवपुंगव ! जिण-धम्मे निच्चलं चित्तं ||५७०।। संपइ असंसयं वीयराय-देवो मए वि पडिवन्नो । तन्वुत्तागमसरणा य साहुणो हुंतु गुरुणो मे ।।५७१।। जीवदया-रम्मे च्चिय धम्मे मह माणसं समल्लीणं । साहम्मिओ महायस ! अज्जप्पभिई तुमं मज्ा ।।५७२।। किं च तुह सीह-सिविणय-सूईय-गुणविस्सुओ सुओ होही । जिण-धम्म-पभावेणं विहुणिय-नीसेस-विग्घस्स ।।५७३।। इय जंपिऊण जक्खो तिरोहिओ दिणयरोदए जाए । राया वि पोसहवयं पारइ परिओसमावल्लो ।।७७४।। पत्तो सुदंसणाए पासे तं कुसलसालिणिं दहुँ । पारियपोसहमालवइ नरवई महुर-वयणेहिं ।।७७५।। कहिउं निसि-वुत्तंतं वद्धावइ इच्छियत्थ-लाभेण । देवी वि भणइ धम्मेण इच्छियं निच्छियं होइ ।।७७६।।
Jain Education International
For Private & Personal Use Only
www.jainelibrary.org
