________________
सुमनाह-चरियं
एवं विचिंतयंतो तह "वि हु राया अखुद्द - मइपसरो । जिण - धम्म-निच्चल-मणो निय-नियम-धुरं न लंघेइ || ५४९|| देवी वि तज्जिया तेहिं तेहिं वयणेहिं तेण जक्खेण । थेवं पि दढपइन्ना तह वि न चलिया "सधम्माओ || ५५०।।
तो सविसेसं कुविएण तेण जक्खेण रूयल-नयरस्स । उवरि सिला महई विउव्विया चूरणडाए ||५५१||
-
भणिओ य निवो इहिं नयर समेओ तुमं विणस्सिहसि । जइ पुण मह वयणं कुणसि देमि तो वंछियं तुज्झ ||५५२|| तो रन्ना वज्जरियं पर जीव-वहेण अप्पणी रक्खं । नाहं कयावि काहं जं रुच्चइ तं तुमं कुणसु || ५५३ || जक्खेण तओ भणियं जइ जीव-विणास पावभीरु- मणी । न कुणसि महिस-सएणं मह पूयं मा कुणसु तत्तो ||५५४|| तह विहु पणाम - मित्तं मह निच्चं कुणसु जेण तुह रज्जे । " सव्वं करेमि सुत्थं पुत्तं च मणोरमं देमि ||५५५|| विणएण तोसिओ हं हणेमि विग्घं करेमि कल्लाणं । मणवंछियं पयत्थं झत्ति पयाणं पयच्छेमि ||५५६ || तम्हा मुत्तूण ममं को अन्नो तिहुयणे वि किर देवो । जस्स कए अप्पाणं भुल्लो एवं विडंबेसि ? || ५५७ || तो पत्थिवेण वुत्तं दयापरोऽहं न देमि तुह महिसे । सा उण जीवदया जेण मज्झ देवेण उवा ||५५८||
-
देवरस तस्स विरएमि पूयमहमेस किंकरो तस्स । जो उण तुमं सयं चिय महिसे पत्थेसि वह - हेउं ।। ५५९ ।। सो सयमपुन्नवंछो परस्स पूरेसि वंछियं कत्तो । न हि अप्पणो दरिद्दो अन्नरस दलेइ दालिद्दं || ५६०|| अन्नं च वंछियत्थो जणस्स सुकयाणुभावओ होइ । सुकयं च वीयरायस्त पूयणे न उ सरायस्स || ५६१|| जइ रागदोस - वसगाण पूयणे होज्ज सुकयलेसो वि । पूइज्ज को न सुलहे ता कामुयमच्छवहगाई || ५६२ ||
For Private & Personal Use Only
Jain Education International
८५
www.jainelibrary.org
