________________
सिरिसोमप्पहसूरि-विरइयं संपइ तुमं न कुणसि मज्डा पणाम पि तेण तुह कत्तो । मणवंच्छियत्थ-लाभो होही चिंतसु इमं सव्वं ||५३५।। जइ महिस-सएण ममं पूयसि तह वंदणं कुणसि निच्चं । तत्तो थेव-दिणब्भंतरम्भि तुह वंछियं देमि ||५३६|| अह ईसि विहसिऊणं नरवइणा सो पयंपिओ जक्खो । जं लब्भइ जीव-वहेण तेण मह वंछिएण अलं ||५३७।। न य नमइ मज्ा सीसं जिणं विणा राग-दोस-मय-मुक्वं । पंच-महव्वय-जुत्ते गुत्ते साहू य अन्नस्स |५३८|| एवं पयंपिए पत्थिवेण विप्फुरिय-कोव-दुप्पिच्छो । जंपइ जक्खो जइ एस निच्छओ "तुज्झा रे दुह ! ||७३१।। ता लंधिय-पुव्व-कुलक्वमस्स तुह कूडधम्म-निरयरस । दंसेमि दुनय-फलं इमिणा तिक्खग्ग-खग्गेण ||५४०।। जप्पभिइं परिणीया सदसणा विगयलक्खणा एसा । तप्पभिई परिचत्तं तुमए मह पूयणाईयं ।।५४१।। तत्तो पढमं तीए दह-महेलाइ छिंदिउं सीसं । पच्छा तुमं पि पत्थिव ! कयंतभवणातिहिं काहं ।।५४२|| इय भणिउं उप्पइओ जक्खो गयणंगणम्मि वग्गंतो । घोरट्टहास-पूरिय-दियंतरो खग्ग-वग्ग-करो ||५४३।। वाम-कर-गहिय-केसं सुदंसणं दंसिउं निवं भणइ । जइ अप्पणो इमीए य जीवियं रे ! तुमं महसि ॥५४४।। ता कुणसु मज्हा पूयं जहुत्त-विहिणा तओ भणइ राया । जइ जीवियं न तुटुं ता न हणिज्जइ तए को वि ||५४५।। अह तं कहमवि तुटुं ता जाए अन्नहा वि मरियव्वे । को मइलइ जिण-धम्म पत्तमणंताओ कालाओ ||५४६।। तो अमरिसेण जक्खो देवीइ सरीरगं निवस्स पुरो । खग्ग-निवाडिय-सीसं विउव्विऊणं पयासेइ ।।५४७|| तत:---- अप्रार्थितानि दुःखानि यथैवाऽऽयान्ति देहिनाम् । सुखान्यपि तथैवेह दैन्यमत्रातिरिच्यते ।।५४८।।
Jain Education International
For Private & Personal Use Only
www.jainelibrary.org
