________________
सुमइनाह-चरियं
तत्तो मणवंछिय-वत्थु-सत्थ-सिद्धिं समीहमाणेणं । तह कह वि वट्टियव्वं जह पुन्नं पावए वुद्धिं ||५२६।।
ता देव ! कीरंतु जिणिंद-मंदिरेसु महा-पबंधेण महिमाओ, एहविज्जंतु जिण-पडिमाओ घण-घुसिण-घणसार-सिरिखंड-रस-मिस्ससलिले हिं, पूइज्जंतु पप्फुल्ल-मल्लिआ-कमल-मालई-पमुह-कुसुमेहिं, परिहाविज्जंतु विचित्त-चिणंसुय-पटुंसुएहिं, भूसिज्जंतु विविह-सुवन्नरयणालंकारेहि, ढोइज्जंतु ताण पुरओ परिपक्व-फल-सणाहाइं अणवज्जखज्ज-भोज्ज-पन्नाइं विसाल-थालाइं, निम्मविज्जंतु जंतुगण-मणोहराई महर-गीयाणुगयाइं नच्चंत-चारु-"तरुणि-चं गाइं पेच्छणगाई, पयट्टिजंतु सव्वत्थ-वित्थरेण जिण-रहजत्ताओ, सम्माणिज्जंतु समणसंघा, सक्कारिजंतु साहम्मिय-समूहा, वियरिज्जंतु" ठाणे ठाणे
अनिवारियप्पसराइं महादाणाई, निवारिज्जंतु सव्वायरेण सव्व-जीवहिंसाओ ।
सुह-कम्मोवचएणं पुव्व-कय-कुकम्म-ववगमेणं च । एवं कए भविस्सइ मणिच्छियं निच्छियं "तुम्ह ।।५२७।। अह कह वि असुह-तिव्वयर-कम्मवसओ न वंछियं होइ । तह वि परलोय-मग्गे नूणं आराहिओ होइ ।।७२८।। तो रना आणत्तो मंती सव्वं पि कारवेसु इमं । आएसो त्ति भणित्ता तहेव तेण वि कयं सव्वं ।।५२१।। राया सयं पुण ठिओ काउं आहार-चायमहदिणे । पडिवन-बंभचेरो परिहरिय-सरीर-सक्कारो ||५३०।। दियहे जिणिंद-पूयं मुत्तुं परिमुक्त-सेस-वावारो | पडिवन्न-पोसहवओ निसाए सज्झाय-झाण-रओ ||७३१|| देवी सुदंसणा वि य तहेव सव्वं पि काउमारद्धा । अहम-दिवस-निसाए रल्लो सज्झाण-निरयस्स ।।५३२।। सो माणिभद्द-जक्खो करालरूवं पयासिउं गयणे । तिक्खग्ग-खग्ग-पाणी पयंपिउं एवमाढत्तो ।।५३३।। नरनाह ! तुज्या रज्जस्स चिंतगो माणिभद्द-जक्खो हं । पुव्व-निवपुंगवेहिं तुम्ह कुले अच्चिओ निच्चं ।।७३४।।
Jain Education International
For Private & Personal Use Only
www.jainelibrary.org
