________________
सिरिसोमप्पहसूरि-विरइयं वरगंध-धूव-नेवेज्ज-कुसुम-निवहेहिं पूईओ संतो । संतुह-माणसो सो करेइ पुत्ते अपुत्ताणं ।।१२।। देइ धणत्थीण धणं आरोग्गं कुणइ वाहि-विहुराणं । करि-तुरय-रह-समिद्धं रज्जत्थीणं जणइ रज्जं ।।१३।। किं बहुणा भणिएणं ? जयम्मि जं जस्स वंछियं किं पि । पूयाए तोसिओ सो संपाडइ तस्स तं सव्वं ।।१४।। तो देव ! तस्स पूयं काउं कुसुमाइएहिं पवरेहिं । इच्छि(अच्चि)ज्जउ महिस-सयं तुट्ठो सो देइ जेण सुयं ।।१५।। पिहिउं करेहि कल्ने संतं पावं ति वाहरंतेण । रन्ला भणियं "मा भण अम्ह पुरो एरिसं वयणं ।।१६।। जिय-राग-दोस-मोहं सव्वल्लू जिणवरं विमुत्तूण । न करेमि परस्स अहं ५२पणयं पि ह किं पुणो पूयं ? ||५१७|| जं पुण जीव-वहेणं हविज्ज मण-वंछियत्थ-संपत्ती । संसार-दुक्खभर-कारिणीए तीए अलं मज्जा ।।१८।। तो मइसायर-मंती वागरइ जिणिंद-धम्म-निहिअ-मणो । देवेण अहो ! एयं पयंपियं उभय-लोय-हियं ।।५११।। देवस्स वि सुद्धो बुद्धि-पगरिसो असरिसो विवेग-रसो । निवारणा य करुणा चरियं कइजण-महच्छरियं ।।५२०।। सव्वुत्तमो अ धम्मे समुज्जमो निम्मला मणोवित्ती । जुत्ताजुत्त-विमरिसं काउमलं को विणा देवं ? ||५२१|| जओजीवाण जायइ फुडं पुन्नेहिं मणिच्छियत्थ-संपत्ती । अन्नह सव्वं सव्वस्स होज्ज अणिवारियप्पसरं ।।५२२।। "सव्व-जग-जीव-हिअओ सव्वन्नू राग-दोस-मय-मुक्को । जो देवो तस्स नमसणेण संभवइ तं पुन्नं ।।५२३|| जे निग्गुणा सयं चिय निक्करुणा राग-दोस-पडिबद्धा । कह ताण वंतराईण पूयणे जायए पुग्नं ? ||५२४|| जीवाण अहम्मेणं विहम्मए इच्छिअत्थ-संपत्ती । जीव-वहे कीरंते सो य अहम्मो दर्द होइ ।।५२५।।
Jain Education International
For Private & Personal Use Only
www.jainelibrary.org
