________________
सुमइनाह-चरियं
तत्तो ठियाओ चामरकराओ तरुणीओ उभय-पासेसु । सामंत-मंति- सुहडा निय-निय-ठाणेसु उवविट्ठा ||५०१ || तो विउल - पाहुडाइं पडिच्छमाणो पहाण - राईणं । कय-रज्ज - कज्ज-चिंतो राया ठाऊण खणमेक्कं ||५०२|| तत्तो विसज्जियाखिल-सेणावइ-सत्थवाह - सामन्तो । कइवय- पहाणलोएण परिवुडो रहसि विणिविट्ठो ||५०३ || पुव्वत्तं वृत्तंतं मइसायर - पमुह मंति-वग्गस्स । सव्वं पि संसिऊणं पुच्छिउमेवं समारद्धो ||५०४ ||
भो मंतिणी ! सया वि हु तुब्भे निसुणेह समत्त - सत्थाइं । सेवह विज्जा - सिद्धे "मुणह तहा मंत-तंताई ||५०५ || सुविसुद्ध - बुद्धिविहवा वि वेयह सयं पि गुविल- कज्जाई | ता कहह कहं सुय-लाभ - चिंता - जलहिस्स पारम्मि || ५०६ ।। वच्चिस्सामि त्ति तओ खणंतरं चिंतिऊण मंतीहिं । संलत्तं देव इमो समुज्जमो सुठु सुद्वाणे ||५०७ ||
देवरस पुरा वि वयं इणमहं आसि विन्नविउकामा । संपइ देवेण सयं पि साहिए सोहणं जायं ||५०८ || किंतु
अम्ह देवो उवायं पुच्छइ । एस अत्थो दिव्वनाण- नयणाणं दंसणगोयरी, ता कमुवायं एत्थ साहेमो ? किं वा पच्चुत्तरं देमो ? आयारिंगिय- गइ - भणिइ - गोयरमत्थं मुणंति अम्हारिसा । इमम्मि पुण दिव्वनाण- गम्मे न कमंति अम्हाण मईओ । एत्तियं तु जाणेमो जं उवायविरहे वि जीवा सकय-कम्माणुरूव-ठाणेसु पुत्तत्तेणुववज्जंति । तओ रन्ना हसिऊण भणियं— 'जइ एवं ता किं न गयणंगणाओ पइक्खणमुववज्जंति ? ति ।
कम्म- पहाणत्तणओ ता मा एगंत पक्खमणुसरह । जं दव्व - खेत्त-काला वि कारणं कज्जसिद्धिम्मि ||५०१ || तत्तो भालयल-मिलंत - पाणिकमलं जमाणवेइ देवो । तं अवितहंति मंतीहिं झत्ति बहुमन्नियं सव्वं ॥ ५१०|| अह संलत्तं अविवेय-मंतिणा देव ! अत्थि तुम्हाणं । कुलदेवय त्ति पयडो जक्खो सिरि- माणिभद्दोत्ति ||११||
For Private & Personal Use Only
૧
Jain Education International
www.jainelibrary.org
