________________
सुमइनाह-चरियं
समए सुरलोगाओ चविऊण सुरो महिडिओ को वि । हंसो व्व माणससरे गब्भे देवीए उप्पन्नो ||७७७।। रयणीए सुहपसुत्ता "सीहं सिविणम्मि पिच्छए देवी । पडिबुद्धा गरुय-पमोय-निब्भरा कहइ तं रनो ||७७८|| सो भणइ जक्ख-अक्खिय-सीहसिविण-पच्चएण तुह पुत्तो । सीहो व्व सत्तु-मयगल-मय-खंडण-पच्चलो होही ||७७१।। देव-गुरुणं पय-पंकयाणुभावेण होउ एवमिणं । इय जंपइ पइ-पुरओ सुहेण अह गब्भमुव्वहइ ||५८०।। जिण-वंदण-पूयण-साहुदाण-जीवाभयप्पयाणेहिं । पडिपुन्न-दोहला सा पसवइ समए पवर-पुत्तं ।।५८१|| पसरंत-देह-किरणुक्वरेण दस-दिसमुहाइं पयडतं । विच्छाइय-दीवसिहं तं दहुं हरिसिया चेडी ||५८२|| नामेण पियंवइया गंतुं वद्धावए महीनाहं । सो वि निययंग-लग्गं वियरइ आहरणमेईए ||५८३।। आणवइ निउत्त-जरे करेह नयरे महा-विभूईए । वद्धावणयं तेहिं वि तहेव तं इत्ति पारद्धं ||५८४|| "तहा हिअक्खवत्तेहिं पूरिज्जमाणंगणं,
ठाणाठाणेसु नच्चंत-वारंगणं । पुलइय-कंचुई वग्गंत-कंचुइगणं,
भूरि-धण-दाण-तोसविय-बहु-मग्गणं ।।५८५।। घुसिण-सिरिखंड-रस-सित्त-नरवइ-पहं,
सयल-पुर-ठविय-वर-केउ-पूरिय-नहं । सव्व-जिणभवण-निम्मविय-पूयामहं,
खुज्ज-वामणय-कय-नट्टहासावहं ।।५८६।। घरघरुत्तंभिउत्तुंग-घण-तोरणं,
गंधगय-खंधगय-भमिर-आधोरणं || वजिराउज्ज-निग्घोस-भरियंबरं,
लोय-दिज्जंत-तंबोल-पवरं वरं ।।५८७।।
Jain Education International
For Private & Personal Use Only
www.jainelibrary.org
