________________
-
सिरिसोमप्पहसूरि - विरइयं पेच्छिरीणं पि पामरीणं सालिमंजरीओ, इओ गिज्जंति सालिखेत्तसंरक्खणुज्जय- गोवीजणेण निच्च-निच्चलासन्न - कुरंगकुल- सुव्वमाणाइं महाराय - चरियाई । एवं कंचुइणा निदंसिज्जमाण-सरयलच्छि-विच्छड्डो विविह- काणणंतरेसु वियरइ सहरिसं राया ताव सुदंसणादेवीए दिट्ठा विसिह ने वच्छ-विच्छाईकया सेस - रमणी - गणा रमणीयत्तणतिणीकयाऽणंगघरणि-रूवाहिं समवयाहिं भिन्न-भिन्न-नरविमाणारूढाहिं अणुगम्ममाणा रायहंसि व्व कलहंसियाहिं, चंदलेह व्व ताराहिं, कप्पलय व्व चंपय-लयाहिं, नरविमाणगया महया रिद्धि-समुदएण पवर - महिला । विम्हयवसुप्फुल्ल-लोयणाए अणाए पुट्ठो कंचुई- भद्द ! का एसा सीय व्व महानईणं, चिंतामणि व्व मणीणं, सद्दविज्ज व्व सेस-विज्जाणं, " सहयार - मंजरि व्व सेस तरु-मंजरीणं, मालइ व्व कुसुमजाईणं, धम्मकह व्व कहाणं, अब्भमु व्व करिणीणं, अवर - रमणीणं रूवसोहग्ग-सोहा - गव्वमवहरंती पुरओ परिसक्कइ ? । काओ वा इमाओ निरग्गल - निसग्ग-सोहग्गाओ इमीए अणुमग्ग- लग्गाओ वियरंति ? ति ।
७८
I
तेण वुत्तं— 'देवि ! अत्थि एत्थ - वत्थव्वओ परमत्थ- संपायण४समारद्ध - रित्थव्वओ, बंधव-कमल- दिवायरो, गरुय-गुण-रयणसायरी, समग्ग-मग्गण - सिहंडि - मंडल - मणुल्लास - वारिवाहो नंदिसेणो नाम सत्थवाहो । तरसेसा विणिद्दारविंद- सुंदर - वयणा, लीलुप्पल-दलनयणा, निय- दंसणामय- समुज्जीविय - मयणा, महग्घ - रयणालंकारकिरण - करंबिय - गयणा, इयर - विलया - विलक्खणा सलक्खणा पणइणी । तीए य सिणेह - सब्भाव - गब्भं भत्तुणा समं विसयसुहं सेवमाणीए सुरकुमाराणुगारिणी, सयल-कलाकलाव - कोसल्लधारिणो जाया दुवे जण - मणाणंदणा नंदणा । तेहिं च परिणीयाओ चत्तारि चत्तारि समाणकुल - सीलसालिणीओ, गुरुयण-चलण- -तामरसालिणीओ, सयल - जियलोय- लोयणच्छरियभूयाओ वणिय-धूयाओ ।'
इय कंचुइणा कहियं सोऊण इमं सुदंसणा देवी । वाहजल - भरिय - नयणा ससोग-वयणा विसन्न-मणा ||४७७ || अइ-गुरु- निरवच्चत्तण- कलंक - दुसिय-तणू तणप्पायं । अप्पाणं पिच्छंती" जंपिउमेवं समादत्ता ||४७८||
Jain Education International
For Private & Personal Use Only
www.jainelibrary.org
