________________
७७
सुमइनाह-चरियं
एयं सोऊण रख्ना नायं, जहा— संपयं पयट्टो सरय-समओ त्ति । तओ आणत्तो नयरलोओ जहा- उज्जाणजत्ता कायव्व त्ति । सयं च संचलिओ गुरु-विभूईए । तं जहा
सुरवहु-समाण-कामिणि-कर-चालिय-चारु-चामर-समूहो । धरिय-धवलायवत्तो मयंध-गंधगय-खंधगओ ||४७०।। कणयमय-चलिय-रहचक्क-घणघणाराव-रुद्ध-दिसियक्वो । वियरंत-मत्त-मयगल-मयजल-संसित्त-महिवीढो ||४७१।। नाणाविह-सत्थ-विहत्थ-हत्थ-पाइक्व-चक्क-परियरिओ । हय-लक्ख-खुरुक्खय-खोणि-रेणु-नियरेण रुद्ध-नहो ॥४७२।। इय चउरंग-बलेणं अवरोहेणं च परिगओ राया । सविलासं वच्चंतो पत्तो कुसुमागरुज्जाणं ||४७३|| जत्थ-- गायंति व्व तरुवरा राय-समागमण-जाय-गुरु-तोसा । मयरंद-पाण-परवस-भमंत-भमरावलि-रवेण ||४७४|| नच्चंति व्व समीरण-हल्लंत-महल्ल-पल्लव-करेहिं । पहसंति व्व विसदंत-धवल-केयइ-तरु-दलेहिं ॥४७५।। जंबीरंब-कयंब-जंबु-कयली-कप्पूर-पूगीफला,
खज्जूरऽज्जुण-सज्ज-मल्लइ-समी-नग्गोह-सोहंजणा । कक्कोली-कुवली-लवंग-लवली-नोमालिया-मालई
सग्गाऽसोय-तमाल-ताल-तिलया रेहति निदा दुमा ||४७६।। तत्थ एवंविहम्मि उज्जाणे सन्निहियाए सुदंसणादेवीए "विजयसेणो गओ अणिमिसाए दिहीए पिच्छमाणो वणलच्छिं कोउगऽक्खित्त-परियणदेसिज्जमाण-मग्गो सायरं पसीय देव ! पिच्छ, इओ विरायंति पफुल्ल-कमलसंड-मंडियाइं सच्छ-सलिल-संपुन्लाई महासरोवराई, इओ कीलंति सहरिस-सहयरी-समप्पिज्जमाण-मुणालदलाई हंस-जुयलाइं, इओ संचरंति कुरुल-सद्द-संदीविज्जमाण-माणिणी-मयण-पसराई सारस-मिहुणाई, इओ सेविज्जति कुसुमगंध-लुद्ध-फुल्लंधय-धोरणीहिं सत्तच्छय-वणाइं, इओ कवलिज्जंति कीर-उलेण विउल-नियंब-भरमंथरंगीणं तुंग-थोर-थणमंडलामिलंत-करतल-तालाणं तरलतरच्छं
Jain Education International
For Private & Personal Use Only
www.jainelibrary.org
