________________
७५
सुमइनाह-चरियं
तरस वि इमो विवागो जे उण अम्हारिसा विसय-गिद्धा | विप्पिय-करणेण परस्स कोवमुप्पाययंति सया ।।४४५।। ताण गई का होहि त्ति जइ परमिणं मुणंति मुणिनाहा । ता भीम-भव-समुब्भव-विडंबणा-वुन्न-हिययस्स ||४४६।। पहु ! तुम्ह चलण-जुयलं मुत्तुं अन्नं न अस्थि सरणं मे । तो अत्थि जोग्गया जइ भयवं ! ता देहि मह दिक्खं ॥४४७।। तो दिक्खिओ गुरुहिं मणिचूडो भव-विरत्त-चित्तो सो । गरहंतो गुरु-सक्खं पुणो पुणो नियय-दुच्चरियं ॥४४८।। अह विजयसेण-राएण जंपियं गुरुय-कम्मणो अम्हे । अज्ज वि संसार-महनवम्मि भमियव्वमम्हेहिं ||४४१|| गुरुणो तरंड-तुल्ले लब्धं जाणंतया वि जिण-धम्मं । विसय-परव्वस-हियया न संजमं जे पवज्जामो ||४५0|| एसो उण मणिचूडो धन्नो कयउन्नओ महासत्तो । तुम्ह पयकमल-मूले पडिवन्ना जेण जिण-दिक्खा ।।४५१|| भयवं ! अम्ह वि वियरसु सावग-धम्मं अणुग्गहं काउं । तो गुरुणा नरवइणो देवीए सुदंसणाए य ।।४५२।। आरोवियं जिणागम-विहिणा सम्मत्तमुत्तमं पढमं । सावय-वयाई बारस पच्छा दोण्हं पि दिब्लाइं ।।४५३।। तो नमिऊण मुणिंदं राया संजाय-तिजय-रज्जो व्व । कयकिच्चं अप्पाणं मन्नतो निय-गिहं पत्तो ||४५४|| ठाणे ठाणे जिण-मंदिराई कंचणमयाइं कारंतो । तेसु ठवंतो मणि-निम्मियाओ सम्वन्नु-पडिमाओ ||४५५।। ताणं पुण कुणमाणो तिसंझमहप्पयार-पूयाओ । सव्वत्थ वित्थरंतो जिण-रहजत्ताओ जत्तेण ।।४५६।। सेवंतो मुणि-निवहं तयंतिए जिण-मयं निसामंतो । सामाइयमणुदियहं गेण्हतो पोसहं पव्वे ||४५७।। इय जिण-धम्मं राया करेइ बाढं तमेव देवी वि । जम्हा कुलंगणाओ पइ-मग्गं चेव सेवंति ।।४५८।।
Jain Education International
For Private & Personal Use Only
www.jainelibrary.org
