________________
८६
गंतूण सा असेसं गुरूवइटुं कहेइ नरवइणो । तेणावि तहा भणियं न ( न ) अन्नहा गुरुसमाइट्ठ ।।९२४।। कुणसु पिए ! जिणभवणे अट्ठाहियमाइपूयसक्कारं । देहि जहिच्छं मुणि- साहुणीसु वत्थाइयं दाणं ।। ९२५ ।। अंबादेवीए तहा साहमि (म्मि) यवच्छलाए अणुदियहं । महरिहपूया विहिणा करेसु भत्तीए पयसेवं ।। ९२६ ।। इयरो वि जणो तूसइ एकग्गमणेण सेविओ संतो । किं पुण नो दिन्नसुहा दक्खिन्नमहोयही देवी ? ||९२७ ।। इय लद्धपियाएसा विसेससंजायपहरिसा देवी । नियचित्त-वित्तसरिसं जिणपूयं काउमाढत्ता ॥ ९२८ ॥ जिण-मुणिपूयापयरिस - विसेसपुन्नुज्जलाए देवीए । दूरेणं चिय नट्ठो दुट्ठो इव पावपब्भारो ।। ९२९।। पंचामय-गंधोदय-विसिदव्वेहिं सा जिणं ण्हवइ । उस्सरइ पुणो तिस्सा कम्ममलो तं महच्छरियं ! || ९३० ॥ घणसारमिस्स-वरचंदणेण तित्थेसरं समालहइ । ओहरइ पुणो तिस्सा पुराकओ दक्खसंतावो ।। ९३१ ।।
सियसुरहिकुसुमपरिमल-मिलंतबहुभमरदामपूयासु ।
पेच्छइ सुहासुहाणं तव्वेलं मल्लजुज्झं व ॥९३२॥ विजयवईनिद्धयं पावं पावत्तणस्स भीयं व्व । जाइ जिणं चिय सरणं वेविरधूमावलिमिसेण ||९३३ || इय नाणाविहपूया-मणहरपेच्छणय-नट्ट-गीएहिं । अणुदियहसमाराहण- विसुद्ध हिययाए जंति दिणा || ९३४ ||
Jain Education International
सिरिभुयणसुंदरीकहा ॥
For Private & Personal Use Only
www.jainelibrary.org
