________________
सिरिभुयणसुंदरीकहा ॥
जइ पुत्तो च्चिय पालइ परलोए ता न जुत्तमिह काउं ।। देवच्चण-तव-संजम-सुपत्तदाणाइ किरियाओ ।।९१३॥ पुव्वभवेसु वि बहवे आसि सुआ किंत(किंतु?)एत्थ लोयस्स । तहवि न जा पइदियहं भुत्तं तित्ती न ता वा(या?)ण(?) ।।९१४।। ता सव्वे चिय एए सकामधम्मा अदिट्ठपरमत्था । एक्को च्चिय मोक्खफलो जिणधम्मो एत्थ संसारे ॥९१५।। ता तत्थ धम्मसीले परमत्थमई करेसु मा पुत्ते । ववहारसुहनिमित्तं सो वि तुहं होही(हिइ) अवस्सं ॥९१६।। जम्हा तुहंगगयलक्खणाई नो वभिचरंति सुयभावं । सोऊण अवितहं मह वयणं धीरवसु अप्पाणं ॥९१७॥ कुणसु सविसेसभत्तिं चंदप्पहनाहचरणकमलेसु । पूयारिहेसु साहुसु पूर्य पि करेहि भत्तीए ॥९१८।। पसमइ वाहिवियारं सवत्तिदोसं च भूयदोसं च । तित्थयर-साहुपूया कीरंती निययसत्तीए ।९१९।। अन्नं पि तुज्झ सुंदरि ! साहिप्पइ सप्पहावगुणकलिया । नामेण वारवासिणि-कोहंडी अत्थि इह देवी ॥९२०।। तं सम्ममणन्नमणो आराहंतो नरो व्व नारि व्व । पावइ हिययब्भहियं समीहियं नत्थि संदेहो ।।९२१।। पयइउवरोहसीला सा देवी तुज्झविहियसेवाए । देइ समीहियसिद्धिं भवियाण पुणो विसेसेण ॥९२२॥ तं सूरिसमाएसं तह त्ति पडिवज्जिऊण विजयवई । सविणयकयप्पणामा तद्दिन्नमणा गया गेहं ।।९२३।।
Jain Education International
For Private & Personal Use Only
www.jainelibrary.org
