________________
७०६ .
सिरिभुयणसुंदरीकहा ॥ आवइवडियाए महं अपरित्ताणाए तह आ(अ)णाहाए । मोत्तूण तुमं पुन्नोदओ व्व को कुणइ कारुन्नं ? ॥७७३७॥ जइ न तुमं गेण्हंतो ता हं गिरिवियडकूवतडपडिया । होऊण मंसपिंडो जोग्गा हुंती सी(सि)यालाण' ॥७७३८॥ तो भणइ जक्खराया 'न पुत्त! एएण आगिइगुणेण । एएहि लक्खणेहिं य दुक्खं पेच्छंति नारीओ ॥७७३९।। अह कह व पुव्वकम्माणुभावसंपाडियं दुहं होइ । तह वि न तं होइ थिरं विहडइ तस्साणुहावेणं' ॥७७४०।। इय चंदसिरी जक्खाणुहावसंपज्जमाणमणतोसा । सव्वत्तो अवलोयइ तं भवणं जक्खरायस्स ॥७७४१।। नीसेसकणय-मणि-रयणनिम्मियं विविहभूसियातुंगं । उत्तुंगसिहरसंठियधयमालासहसरमणीयं ॥७७४२ ।। उव्वत्तणेण पिहुलत्तणेण संगहियगयणवित्थारं । • मणि-रयणकउज्जोयं सजोइसं भुयणवलयं व्व ॥७७४३।। पयइविसालं तुंगं अणेयमणि-रयण-भूसणुज्जोयं । पुन्नज्जणेहिं ठाणं हिययं पिव मलयसेलस्स ॥७७४४।। बहुखनवाइभीओ •भवणमिसेणं व रयणमणिसिहरो । रोहणगिरि व्व सरणं पडिवन्नो मलयसेलस्स ||७७४५।। विविहमणिरयणबंधं जं कंचणघडियपेढवित्थारं । सीहासणं व सोहइ तलट्ठियं सेलरायस्स ।।७७४६।। फालिहभित्तिसु संकंतनीलमणिथंभदंसंणुत्तसिओ । रक्खसभएण दइयं आलिंगइ जत्थं जुयइजणो ॥७७४७।।
Jain Education International
For Private & Personal Use Only
www.jainelibrary.org
