________________
६९६
सिरिभुयणसुंदरीकहा ॥ रविवंकनालनिग्गयलूयानलजलियदेहअंगारा । नियजीवकंचणाओ कम्मकिट्ट विसोहंति ।।७६२७।। अइदूसहसूरमयूहतावपगलंतसेयसलिलोहा । अंतोसुहझाणानलविलीणनीणंतपाव व्व ॥७६२८।। आसारथूलधारानिवायपविरेल्लियावणितलंमि । वासारत्ते कंदरदरीसु चिट्ठति संल्लीणा ||७६२९।। कयचउमासचउव्विहपच्चक्खाणा चरंति तवचरणं । संजमभंगभएणं ठाणाओ पयं पि न चलंति ॥७६३०।। सिसिरसमयंमि हिमकणसंचलियपयंडमारुयप्पहया । हिमपिंडपंडुरंगा सहति सीयं महावीरा ।।७६३१।। हिमवायंतमहानिलपकंपियंगा फुरंतअहरदला । दुट्ठट्ठकम्मनिट्ठवणजायरोस व्व कंपंति ॥७६३२।। कत्थ वि मसाणभूमिसु कयकक्कुसरक्खसट्टहासासु । अब्भहियवीरहियया काउस्सग्गेण चिट्ठति ।।७६३३।। जे सुसियमंस-वस-रुहिरभाव-चम्मट्टि-प्रहारुमेत्ततणू । नियवग्गसंकिएहिं वेयालभडेहिं दीसंति ।।७६३४।। कत्थ वि रायपहेसु कयनिच्चलसव्वराइपडिमाण । थंभटभमेण वसहा अंगाई घसंति अंगेसु ।।७६३५।। इय नाणाविहदुक्करतवचरणरयाण सूर-वीराण । समइक्वंता बहुया दियसा अइसत्तवंताण ।।७६३६।। तो अकलंको जोग(ग्गं) नाउं सिरिवीरसेणमुणिचंदं । दससाहस्सियसंघस्स अहिवई ठवइ आयरियं ॥७६३७।।
Jain Education International
For Private & Personal Use Only
www.jainelibrary.org
