________________
सिरिभुयणसुंदरीकहा ॥
अह अन्नदिणे रयणीए चरिमजामंमि सूरनरनाहो । सेज्जाए सुहनिसन्नो पेच्छइ सुविणंतरं सहसा || ७४१८ || उब्भडपवणपहल्लिरकल्लोलसहस्ससंकडिल्लंमि ।
जलहिंमि निबुडुंतं अप्पाणं नियइ भयविवसं १७४१९॥ आरुहइ खणं भंगुरतरंगसिहरेसु लद्धऊसासो । पेच्छइ पक्खिप्पतं पुणो वि पायालतलमूले ||७४२०॥ तत्थ विकरि-मयर - रउद्दसत्तवित्तासिओ खणद्धेण । पावेइ महादुक्खं पज्जाउलमाणसो अहियं ॥ ७४२१ ।। पुणरवि गरुयावत्ते भमेइ चक्कुब्भमेण दुक्खत्तो । नियभज्जं पुत्तं चिय उवालभंतो य विलवेइ ||७४२२|| तो महया कट्टेणं परिभममाणं समुद्दमज्झमि । पेच्छइ पवहणमेगं लग्गो य समाउलो तत्थ ।।७४२३|| तं आरुहिओ दिट्ठो निज्जामयवयणमुक्कभयसंको । तेणेव पवहणेणं हरिसपुरं नाम संपत्तो ॥ ७४२४।। तस्स पुरस्स पहावाओ तत्थ जाओ महंतसंतोसो । सुविणयमेवं दटुं सहस च्चिय जग्गिओ राया ||७४२५ ।। जा जोएइ पबुद्धो ता न जलं जलि (ल) निही न यावत्ता । न कलत्तं न य पत्तो न य परियणो नेय ते गाहा ||७४२६॥ न य तं पि जाणवत्तं न कन्नधारा न तं पि हरिसपुरं । अप्पाणं च्चिय एक्कं पेच्छइ सेज्जासुहनिसन्नं ।।७४२७।। अह चिंतइ नरनाहो 'किं पच्चक्खं ? मइब्भमो वा वि ? | सुविणो व्व इंदजालं ? अहवा तत्तंतरं एयं ?' ||७४२८।।
Jain Education International
६७७
For Private & Personal Use Only
www.jainelibrary.org
