________________
६७३
सिरिभुयणसुंदरीकहा ॥
एसो उण मयणुम्मायपरवसो विविहलोयमज्झे वि । छोढूण गोहिमज्झे चुंबइ दइयं विगयलज्जो ||७३७४।। कुसुमरयदूसियच्छि दइयाए पणामियं वियड्डेण । तस्सावणयमिसेणं सुचिरं चुंबिज्जइ पिएण ।।७३७५।। इह देव! को वि तरुणो बहुतरुणीरायपरवसप्पाणो । अवमन्निज्जइ नियपिययमाए कीलाविणोएसु ।।७३७६।। इह देव! मिहुणयाइं पुरओ गायंति तुज्झ पुत्तस्स । ते उण विवहाणुपत्तबहलपुलयाई सच्चरियं ॥७३७७।। पेच्छ पुरओ नरेसर! सुण्हा तुह खयरिसहियणसमेया । लीलंदोलयकीलं चंदसिरी एत्थ अणुहवइ ।।७३७८।। सहिकरयलपेलणवसनहंतरुच्छलियदोलयारूढा । विक्खिरइ चंदजोण्हं व सरलचवलाए दिट्टीए ॥७३७९ ।। दूरुच्छालणरहसुच्छलंतरणज्झणिरहारमंजीरं । झणझणिरकिंकिणीमुहलमेहलंदोलणं सहइ ।।७३८०।। अंदोलिरचंदसिरीसुंदेरनिहित्तखेयरच्छीणि । अंदोलंति व्व समं सेवारसपरव्वसाइं व ।।७३८१।। देव! नियच्छसु पुरओ मुणालदंडेण ताडिया देवी । भत्तारनामनिसुणणकयाणुरायाहिं खयरीहिं ।।७३८२ ।। जंपइ देवी ‘मा माउयाओ! ताडेह तिहुयणपसिद्धं । मह भत्तुणोऽभिहाणं पुच्छंती किं न लज्जेह ? ।।७३८३ ।। किं कहिओ जाणिज्जइ सूरो निम्महियवेरितिमिरोहो ? ।
भण तारयाण मज्झे चंदो साहिज्जए केण ?' ||७३८४।। ४४
Jain Education International
For Private & Personal Use Only
www.jainelibrary.org
