________________
६७४
सिरिभुयणसुंदरीकहा ॥
मणहरसललियभासानिवेससरसं च दोलयारूढा । गायंती चंदसिरी हिययं भण कस्स न हरेइ ? || ७३८५ ।। उड्डुं पक्खिप्यमाणा गयणग्गविलग्गललियचरणग्गा । पाएहिं ताडिऊणं निब्भच्छइ तियसनारीओ ||७३८६ ।। उत्तरिया चंदसिरी लीलादोलाओ देव! चलिया य । वीराहिरायपासं जलकेलीकरणकज्जेण ॥७३८७ || ता एत्थ देव! कीलागिरिंमि अच्चुच्चसिहररमणीए । ठाऊण नियच्छामो जलकेलिं वीरसेणस्स' ||७३८८ || ' एवं ' ति पभणिऊणं जाव नियच्छंति ताव पेच्छंति । तेलोक्कसिरीमुहदप्पणं व लीलासरं एगं ।।७३८९।। नवनीलुप्पलघणकमलसंडसंछन्नसलिलसंघायं ।
फंसेण जत्थ उदयं मुणिज्जए मुद्धलोएहिं ॥७३९०॥ सुंदरअरविंदुब्भवअमंदमयरंदपिंजरजलोहं ।
पविलीणकणयरसपूरियं व वीराणुहावेण ।।७३९१ ।। ‘तडनियडनिबिडतरुसंडमंडलीसिहरदिन्नगुरुझंपो ।
झल्लज्झलंतजलकयकल्लोलं झिल्लइ नरिंदो || ७३९२ ।। सिरिवीरनरेसरदिन्नझंपसमकालनिवडमाणेहिं ।
खयरिंद-नरिंदेहिं पूरिज्जइ सरवरं सहसा ।।७३९३ ।। दूरुच्छलंतघणसलिलदीहधाराहिं गयणलग्गाहिं । उड्ढविमाणट्ठियखेयरे व्व सिंचेइ नरनाहो ।। ७३९४ ।। गहिरं अलद्धमज्झं सरोवरं देव! तह वि संखुहियं । तरुणी समागमे अहव कस्स नो जायए खोहो ? || ७३९५ ॥
Jain Education International
For Private & Personal Use Only
www.jainelibrary.org
