________________
सिरिभुयणसुंदरीकहा ॥
६७१ पेच्छह केसरतरुणो तरुणीगंडूसियाए मइरीए । । फुल्लंति नरेसर! न उण अन्नहा पेच्छ अच्छरियं]' ||७३५२।। एए चंपयतरुणो वियसंति नरिंद! सुरहिगंधड्डा । सुसुयंधसलिलदोहलयबद्धफल्लोहरमणीया ||७३५३।। एसो सो तिलयतरू जो वियसइ कामिणीकडक्खेहिं । विसमा हु नयणबाणा हुंति अमोहा तरूणं पि ।।७३५४।। विरहितरुणो नरेसर! इमे भणिज्जंति गीयरसिया जे । फुल्लंति पंचमुग्गारगीयसद्देण रागंधा |७३५५।। एए उत्तमतरुणो पुव्बुद्दिट्ठा इमे उ मज्झत्था । जे मज्झिमगुणजुत्ता मज्झिमडोहलयमिच्छंति ॥७३५६।। एसा पियंगुलइया पयइसलज्जा नरिंद! जं एसा । ताव न वियसइ जाव न झंपिज्जइ रत्तवत्थेण ।।७३५७।। अहमगुणा उण अन्ने अहमसंजायडोहलत्तेण । इह केए(अ)इमाईया विनेया असुइडोहलया ।।७३५८॥ इय एवमाइ तरुणो नियनियविसयाहिलासमीहंता । हेलुल्लसंतकुसुमोहसुंदरा देव ! दीसंति ।।७३५९॥ दिट्ठीए कुण पसायं इओ सिणिद्धाए पेच्छ उज्जाणं । अंतरियपल्लवोहं निरंतरं जत्थ कुसुमोहं ॥७३६०॥ हसियं व महुसिरीए तारुन्नभरो व्व सुरहिमासस्स । कामस्स व जसपसरो दीसइ उज्जाणकुसुमभरो ||७३६१।। एयं सहयारवणं खुडंतनवमंजरीरयमिसेण ।
तुज्झागमणे नरनाह! किरइ रंगावलीओ व्व |७३६२।। . ला. प्रतौ । (ता.प्रतावयं पाठःखण्डितपृष्ठत्वान्न दृश्यते II)
Jain Education International
For Private & Personal Use Only
www.jainelibrary.org
