________________
६३५
सिरिभुयणसुंदरीकहा ॥
न य कोइ एइ तत्तो जो कुसलं कहइ इंददत्तस्स । सासंकमणो चिट्ठइ चिरवैरविहावणुत(त्त)त्थो ॥६९६०।। एवं जा सीहरहो अवसेरिं कुणइ इंददत्तस्स । ता अत्थाणे पत्तो सहसा लेहारिओ एगो ।।६९६१।। धूलीधूसरियंगो सीयायवदड्वथाणुसमदेहो । अइमलिणवसणधारी कक्खाकयलेहपोत्तो य ।।६९६२।। नामेण वाउमित्तो काऊण पणाममवणिनाहस्स । उवविसइ सायरेणं नरवइणा पुच्छिओं वत्तं ।।६९६३ ।। ‘रे वाउमित्त! साहसु कुसलं पुत्तस्स सपरिवारस्स । किं कज्जमाउरो विय(व) दीससि ? मह कहसु वेगेण' ।।६९६४।। तो भणइ वाउमित्तो 'कुसलं कुमरस्स सपरिवारस्स किं तु गौडाहिवेणं न सम्ममणुचिट्ठियं कुमरे ।।६९६५।। कुमरेण देव! पढमं सदेससीमाए ठावियं सेन्नं । परिमियपरिग्गहेणं रायगिह तयणु संपत्तो ।।६९६६।। तो तेण गौडराएण देव! जं किं पि होइ कायव्वं । तं नीसेसं विहियं उचियं सिरिइंददत्तस्स ।।६९६७।। तो सोहणंमि दियहे पसत्थतिहि-करण-वार-लग्गमि । वीवाहो वि य विहिओ महिंदसिरि-इंददत्ताण ||६९६८।। कयमुचियं कायव्वं अणुट्ठिया जाइ-कुलसमायारा । वीवाहत्थं आया सामंताई य पट्टविया ।।६९६९।। अह अन्नदिणे राया एगते सयलमंतिवग्गेहिं । विन्नतो(त्तो) 'देवेसो इंददत्तो महासत्तू ।।६९७०॥
Jain Education International
For Private & Personal Use Only
www.jainelibrary.org
