________________
सिरिभुयणसुंदरीकहा ॥
४०
लावन्न-रूव-जोव्वण-विलास - विन्नाण-गुणसमिद्धाण | कुमराण न सो जाओ जस्सेसा खिवइ वरमालं' ||६६७४॥ तो नरवइणा पुण पुण धूयानेहेण विविहकुमरेहिं । काराविया असंखा सयंवरा गुणसमिद्धेहिं ॥ ६६७५ ।। तह वि जयसुंदरीए न को वि चित्ते परिट्ठिओ कुमरो । कयबहुमणवेलक्खा नियनियठाणं गया ते वि ।।६६७६ ।। एत्थंतरंमि राया सिढिलियधूयासिणेहसब्भावो । मणजायरोसपसरं नियचित्ते चिंतिउं लग्गो ||६६७७ ।। 'जे के वि एत्थ महिमंडलंमि गरुया वि संति नरवइणो । ते सव्वे आणीया सयंवरे पावधूयत्थे || ६६७८||
एहि को किर होही जस्सेसा दिज्जिही महापावा ? | चिट्ठेति परं दासा पिंडारा तह य गोवाला || ६६७९ ।। तो नूण कुधूयाए इमीए मन्नामि मज्झ सीसंमि । घल्लेयव्वो छारो दुच्चरियाचरणकरणेण || ६६८०।। अहवा जं कायव्वं नियपुरिसायार- सत्त धर्णसज्यं । तं सव्वं पि हु विहियं धूयाचित्ताणुसारेण । । ६६८१ ।। एहि पुण जावऽज्ज वि जुवइवियारं पयासइ न एसा । ताव इमं पइ जत्तं अविलंबमहं करिस्सामि ||६६८२ ।। एयाए विविदुक्खं आणाभंगेहिं परिहवेहिं च । जह मज्झ कयं अहमवि इमीए तह तं करिस्सामि ||६६८३॥ धूयामिसेण एसा उवट्ठिया मज्झ का वि किच्च व् । सा वि पडिकूलिमाए हंतव्वा नाणुकूलेहिं' ||६६८४||
Jain Education International
६०९
For Private & Personal Use Only
www.jainelibrary.org
