________________
सिरिभुयणसुंदरीकहा ॥
गुणराएणं भणिओ विजयागेहं च तक्खणे पत्तो । अमुणियपुव्वसवो व्व तीए सह भुंजए भोए ।।६६५२ ॥ इय एवं पडिदियहं अन्नाओ वि जा अणिट्ठपत्तीओ । जसवणो कमेणं ताण वि निसिवासयं देइ ||६६५३ || एवं सो गुणराओ जिणधम्मपहावओ य पुन्नभरो । नरनाहमंतिपरियण- पोराणं वल्लहो जाओ ||६६५४ || अह अन्नदिणे राया अत्थाणे वहलगुंदलुद्दामे । जा अच्छइ उवविट्ठो नाडय-पेच्छणयआसत्तो ||६६५५ ।। ता नरवरिंदधूया गुणसिरिसुहगब्भसंभवा तत्थ । जयसुंदरी सुरूवा समागया तियसनारि व्व ||६६५६ || संपुन्नमियंकमुही नीलुप्पलप्प(प) त्तदीहतरलच्छी । चक्कुलियथूलथणहरपडिरुद्धउरत्थलाभोया ||६६५७॥ गंभीरनाहिदेसा वलित्तयालंकिया य तणुमज्झा | परिवियडनियंबयडा रंभोरू कुम्मचरणा य ||६६५८ || इय एवंविहमणहरसव्वंगावयवसुंदरं धूयं । दट्ठूण नरवरिंदो अह चिंतासायरे पडिओ || ६६५९|| 'कस्सेसा दायव्वा ? दाऊणं कह व सुत्थिओ होउं ? । दिन्ना वि कह णु होही नियगेहे सुत्थिया एसा ?' ||६६६० ॥ इय एवमाइ तग्गयचिंतासंतावदुहियहिययस्स ।
काऊण पयपणामं उवविट्ठा रायपासंमि ||६६६१ || तो तत्थ विविहवइयरविणोयस्य-नट्ट- गीयमाईहिं । खणमच्छिऊण राया उट्ठइ अत्थाणभूमीओ ||६६६२ ।।
Jain Education International
६०७
For Private & Personal Use Only
www.jainelibrary.org
