________________
६०६
सिरिभुयणसुंदरीकहा ॥ निग्गहणिज्जे अप्पंमि देव ! कह तीए निग्गहं कुणसि ? । तुमए परिचत्ताए तिस्सा दोसो समुप्पण्णो ॥६६४१॥ ता इह परमत्थेणं दोसो तुह राय ! न उण विजयाए । मयणग्गिपलित्ताणं गरुयाण वि जंति बुद्धीओ ॥६६४२।। किं देव ! तए न सुयं पुराणसत्येसु बंभराएण । नियधूया उवभुत्ता मयणपरायत्तचित्तेण ॥६६४३।। अच्छंतु ताव अन्ने गोयमरिसिभारियाए सक्केण । जं विहियमहल्लाए लज्जिज्जइ तं भयंतेहिं ।।६६४४।। इय तत्थ देव ! एवंविहा वि नीसेसभुयणगरुया वि । होंति अणंगस्स वसे को दोसो तत्थ नारीसु ? ॥६६४५।। जह देव ! मिठ्ठभोई अलहंतो मिठ्ठभोयणं को वि । किं कुणइ बुभुक्खत्तो ? कुभोयणे कुणइ अहिलासं ॥६६४६।। तह देव ! रूव-लायन्न-लडह-सोहग्गसंगयं देवं । अलहंताओ न इच्छंति ताओ अम्हारिसं अहमं ? ||६६४७।। ता मह पसायबुद्धिं काऊण मणे अ(s)वलंबिय पहुत्तं । विजयाए एकदोसो खमियव्वो मज्झ वयणेण' ॥६६४८।। इय भणिऊणं पडिओ गुणराओ नरवरिंदपाएसु । तेणाऽवि कज्जसारं वियप्पियं तस्स तं वयणं ॥६६४९।। 'गुणराय ! तुज्झ वयणं पडिवन्नं तं तहा मए सव्वं । परमत्थपंडिएण व पयंपियं अवितहं तुमए' ॥६६५०॥ जसवद्धणो नरिंदो विजओवरि गलिअमच्छरामरिसो । परिभावियपरमत्थो दइओवरि जायकारुन्नो ॥६६५१॥
Jain Education International
For Private & Personal Use Only
www.jainelibrary.org
