________________
सिरिभुयणसुंदरीकहा ॥
६०५ अलहंताओ पियसुहं अन्नं पुरिसंतरं अहिलसंति । एसो देव ! अणत्थो पुरिहरियव्वो पयत्तेण ॥६६३०।। निहणंति उभयलोगं दूसंति य ससुर-पिउकुलाइं च । कलुसंति तुम्ह चित्तं होति अणत्था इमे ताण ॥६६३१।। अब्भत्थिओ सि नरवर ! चरणंतलुलंतमत्थएण मए । अज्ज दिणे सव्वासु वि वारं देवीसु देज्जाहि' ।।६६३२।। तो भणइ नरवरिंदो 'किमयंडे चेव अज्ज उव्विग्गो ? | न कयाइ सिक्खवंतो अज्ज पुण कह णु सिक्खेसि ? ||६६३३ ।। ता किं दिटुं कीय वि वेगुन्नं अज्ज रायपत्तीए ? । मह कहसु कज्जगब्भं परमत्थं एत्थ गुणराय ! ||६६३४।। किं पुछिएण ? अहवा पच्चक्खं चेव अज्ज मह जायं । विजयाए किर तुहोवरि जं भणियं साम-दंडेहिं ।।६६३५।। . गुणराय ! तुज्झ सरिसो पुरिसो इह नत्थि सयलभुयणे वि । धम्मपरो पहुभत्तो अकज्जभीरू कुलीणो य' ।।६६३६।। तो गुणराओ पभणइ 'तुह पयसेवापहावओ देव ! । सव्वो मह गुणनिवहो किं न हुओ एस मह पुट्विं ? ।।६६३७।। जइ देव ! तए सव्वो विन्नाओ विजयवइयरो अज्ज । किं कायव्वं तिस्सा ? एण्हि मह कहसु परमत्थं ॥६६३८।। तो राइणा पभणियं ‘पायालंतरगहीरगत्ताए । नरयस्स अद्धमग्गे पयिद्रोहिं पेसइस्सामि' ॥६६३९।। तो जंपइ गुणराओ कन्ने पिहिऊण दोवि (दोहिं) हत्थेहिं । 'हा हा नरिंद ! एवं वोत्तुं पि न जुज्जए तुज्झ ॥६६४०।। १. पतिद्रोहिणी ।।
Jain Education International
For Private & Personal Use Only
www.jainelibrary.org
