________________
६००
. सिरिभुयणसुंदरीकहा ॥ तो तुरयवाहणुब्भवपरिस्समुप्पन्नदेहसंतावो । वच्चइ सिसिरुज्जाणं वीसाममईए नरनाहो ॥६५७६॥ जा जाइ तत्थ पुरओ ता पेच्छइ साहुजुवलमुवसंतं । अभिवंदइ भत्तीए सद्धारोमंचियसरीरो ॥६५७७।। आयन्नइ धम्मकहं लद्धावसरो य भणइ दठूण । 'को एस अइकुरूवो भयवं ! तुम्हंतिए पुरिसो ?' ||६५७८।। कहियं साहूहिं तओ धम्मत्थी विविहदुक्खसंतत्तो । गिहिधम्ममणुटुंतो अच्छइ संसारनिव्विन्नो' ।।६५७९।। तो चिंतइ नरनाहो ‘एस कुरूवाण पढमदि₹तो । मह अंतेउररक्खापुरिसो अइसुंदरो होइ ॥६५८०।। अइसयकुरूवदेहो अमणोन्नो सावओ य धम्मरुई । परलोयपरमभीरू कुकम्मविरओ य सासंको' ॥६५८१।। एमाइ चिंतिऊणं काऊण मुणीण पुण पुण पणामं । भणियं(ओ) राएण इमं गुणराओ जणियबहुमाणं ॥६५८२।। 'साहम्मिओ सि सावय ! जाव न तुह सव्वविरइपरिणामो । ता अम्ह सन्निहाणे अच्छसु अंतेउरमहल्लो' ||६५८३।। तो नरवइपरमग्गहउवरुद्धमणेण तेण पडिवन्नं । अच्छइ रायंतेउरकुलनारीरक्षणक्खणिओ ।।६६८४।। तो परमसावयत्तणगुणाणुराएण रंजियमणाओ । जायाओ सपक्खाओ गुणराए रायपत्तीओ ॥६५८५॥ तो सो नरिंदगोरवउवरुद्धमणो तदेक्कमण-नयणो । अविलोयइ पविसंतं अप्पमणप्पं च परिवारं ॥६५८६।।
Jain Education International
For Private & Personal Use Only
www.jainelibrary.org
