________________
सिरिभुयणसुंदरीकहा ॥
नणु केण कारणेणं सुसियमिमं मंदिरं वराईए । मन्ने मज्झ निमित्तो इमीए एसो महाणत्थो ॥५५९८।। तं परिवड्डइ ठाणं सप्पुरिसो जत्थ निवसइ खणंपि । मह संगेण उ इस्सा विवरीयं एत्थ संजायं ।।५५९९।। किमणिचिंतिएणं ? परमत्थं ताव इह गवेसामि । पुण देसकालमुचियं कज्जारंभे जइस्सामि' ५६००॥ एत्थंतरे कुमारो नियडीकयनियविमाणभावेण । पेच्छइ जहासरूवं नीसंदिद्धं च निसुणेइ ।।५६०१।। अह करुणमारसंती घेत्तूणं घणसिरग्गकेसेसु । आयड्डिया गिहाओ भडेहिं तुरियं जयवडाया ॥५६०२।। अक्कंदमाणपरियणपरियरिया पुरिजणेहिं दीसंती । निब्भच्छिज्जंती घणकक्कसवयणेहिं पुरिसेहिं ॥५६०३।। 'आ पावे ! निल्लज्जे ! कयग्घचूडामणी तुमं जीए । नरसीहपसायाणं जं उचियं तं तए विहियं ।।५६०४।। सो दुट्ठप्पा धिट्ठो अदिट्ठपुव्वो कओ तए इ8ो । न उणो महानरिंदो गुणेसु आरोविया जेण ॥५६०५।। जइ सच्चं सो वीरो आगंतुणं च ता सयं एत्थ । इह किन्न तुमं रक्खइ मारिज्जंतिं नरिंदेण ?' ।।५६०६।। इय एवमाइ उच्छिखलाई वयणाई ताण सोऊण । चिंतइ वीराहिवई गरुयाहिणिवेसफुरिओट्टो ॥५६०७।। 'निच्छइयमिमं पुट्विं' मएऽणुमाणेण जं महनिमित्तो । एसोऽणत्थो सव्वो संजाओ जयवडायाए ।।५६०८॥
Jain Education International
For Private & Personal Use Only
www.jainelibrary.org
