________________
५१२
1
ता किमिह पडिविहेयं एसो च्चिय दुट्ठसुहसंघट्टो ।
मह खग्गवासिणो च्चिय जमस्स अतिहित्तणं जाओ ( उ ) ||५६०९॥ अहवा नेवं जुज्जइ अविसिट्ठाएसकारिणो एए । जुयईसु परकमिणो न मारणीया मह हवंति ॥ ५६१० ।। ता किंतु एस राया सरायगिह- परियणो सन्नो य । उच्चलिऊण उडुं खिवामि पायालकुच्छीए ||५६११ ।। एयं पि अजुत्तं चिय निग्गहणिज्जे इमंमि नरसीहे । रायगिह- सेन्न- परियणमाईणं नत्थि अवराहो ||५६१२ ।। ता होउ इमे संपइ किमिमीए कुणंति ताव पेच्छामि । इय चिंतंते वीरे सा नीया रायपासंमि ॥५६१३॥
सिरिभुयणसुंदरीकहा ॥
ठविऊण रायपुरओ विन्नत्तं तेहिं 'देव ! जं किं पि । अत्थि इमी असेसं तं तुह भंडारमाणीयं ॥ ५६१४ ।। एसा वि देव ! संपइ आणीया तुह समीवमिह जुत्तं । जं होउ तं सयं चिय नरनाहो कुणउ एयाए' ।। ५६१५।। तो राइणा सरोसं निद्दयदट्ठोट्ठभिउडिभीमेण ।
आणत्तं 'रे ! आणह तुरियं नेमित्तियं तं पि' ।। ५६१६ ।। तो आएसाणंतरमाणीओ सो वि रायपुरिसेहिं । पच्छा बाहुनिबद्धो हम्मंतो लउडपहारेहिं ॥५६१७।। सो वि तह चेव पुरओ ठविओ पासंमि जयवडायाए । दिट्ठो नरसीहेणं सकक्कसं भणिउमाढत्तो ॥ ५६१८।। कुमरो वि नहयलत्थो अदीसमाणो असिप्पहावेण । रोसफुरियाहरोट्टो नरेंदचेट्टं पलोएइ || ५६१९॥
Jain Education International
For Private & Personal Use Only
www.jainelibrary.org
