________________
५१०
कत्थवि नरिंदपुरिसो सव्वालंकारभूसियं चेडिं । एगंते छोढूणं गेहइ सव्वं पि आहरणं ॥ ५५८७ ।। अन्नत्तो पुण एगा भएण मुहखित्तअंगुलीदसगा । भंडारिणित्ति काउं सेहिज्जइ रायपुरिसेहिं ।।५५८८ || अन्ने दुट्टभुयंगा जे पुव्विं वंचिया वणे घेत्तुं । ते अवसरो त्ति मुणिउं ससत्ति सरिसं अवयरंति ।। ५५८९ । अन्ने वि मित्त-सेणा-नरवइहढदिन्नदुआएसा । चिरपरिचयलज्जाए एमेव कुणंति हलबोलं ।। ५५९० ॥ गरुयाणुरायरत्तो तिस्सा अमणोरमो नरो कोइ । पयडंतो नियदुक्खं तचि (च्चि) ताराहणं कुणइ ।। ५५९१ ।। अणुसोयइ पुरिलोओ 'हा ! नरवइणा अकज्जमायरियं । जं वीरसेणरोसा अवयरियं जयवडाया ।। ५५९२ ॥ चोरस्स विसिट्ठस्स य रिउस्स देसंतरागयस्साऽवि । वेसाओ च्चिय जम्हा आवासो सव्वलोयस्स' ||५५९३ ॥ तो तं खणेण सव्वं अवहरियासेसविहववित्थारं । जायं रोरगिहं पिव अइदुल्लहखप्परद्धं पि ।। ५५९४ ।। एत्यंतरे कुमारो नहट्ठिओ पेच्छिऊण चिंते । 'हरिस-विसायविमीसं पुरीए पेच्छामि ववहरणं ॥ ५५९५ ।। एत्तो पुरी असेसा आणंदरसे व्व निब्भरनिमग्गा । सच्चेय पुणो एत्तो गुरुसोयावत्तखित्त व्व ॥ ५५९६ ॥ अहवा किमेत्थ चोज्जं ? संसारो च्चिय पुरी न परमेगा । हरिस-विसायाणुगओ तकुम्मनिमित्तजोएण ।। ५५९७ ।।
Jain Education International
सिरिभुयणसुंदरीकहा ॥
For Private & Personal Use Only
www.jainelibrary.org
