________________
सिरिभुयणसुंदरीकहा ॥
ता जाह तीए(इ) गेहं तं दुरिउं वि निग्गहह' ||५४११॥ तो रक्खसीहिं(हि) भणियं 'केत्तियठाणेसु वच्चिमो अम्हे ?' । राया भणइ 'न जइ तं पावह ता खाह तं वेसं' ।।५४१२।। तो ताओ तक्खणेणं गेहं पत्ताओ जयवडायाए । मुंचंतीओ मुहेणं कोवमहाजलणजालाओ ॥५४१३।। कुमरो वि रयणिजागर-निद्दापरिघुम्मिरच्छिसयवत्तो । एगंतवासगेहे निदाए सुहेण पासुत्तो ॥५४१४।। तो पुण मए सप्पणयं असेससहिसंजुया जयवडाया । भणिया 'नीहरह तुमे सुयओ(उ) कुमारो खणं एकं ॥५४१५।। अहमवि बाहिदुवारे देसे ठाऊण एयदेहमि । काहामि परमजत्तं सपच्चवाया हि परभूमी' ॥५४१६।। तो भणइ जयवडाया ‘एवं होउ'त्ति निग्गया बाहिं । अहमवि य खग्गपाणी दारं दाऊण उवविठ्ठो ।।५४१७॥ तो ताहि वासगेहं पविसउकामाहिं अग्गए दिह्रो । सकिवाणो हं पुरओ दळूणं पच्चभिन्नाओ ।।५४१८॥ सासंकमाणसाओ वलियाओ पुणो य पच्छिमगवखे । पविसंति सुहपसुत्तं पेच्छंति पुरो महावीरं ॥५४१९॥ अह देव ! मए तइया अयंडसच्चवियघोररूवेण । सासंकमणेण तओ सहसा आयड्डियं खग्गं ।।५४२०।। एत्थंतरंमि निब्भरनिद्दावसपरवसं सुहपसुत्तं । दठूण वीरसेणं नियंति जा निद्धदिट्ठीहिं ॥५४२१।। ता तस्स विज़ियतिहुयणअच्चब्भुयरूवदंसणजलेण । सहस त्ति ताण हियए विज्झाणो विसमकोवग्गी ।।५४२२।।
Jain Education International
For Private & Personal Use Only
www.jainelibrary.org
