________________
४६५
सिरिभुयणसुंदरीकहा ॥
जणणी य मज्झ भत्तारचरणभत्ता महासई आसि । सोमसिरी नामेणं निम्मलदियवंससंभूया ।।५०९३॥ दोन्नि वि समचित्ताई दोन्नि वि अन्नोन्नबद्धनेहाई । दोन्नि वि वेयपयासियधम्माणुट्ठाणनिरयाई ।।५०९४।। तो उवरयंमि ताए विलवंतं अगणिऊण मं माया । जम्मंतरे वि जोगो मह होउ पिएण इय बुद्धी ॥५०९५।। जस्सि चेय चियाए पक्खित्तो मह पिया तहिं चेवं । अप्पाणं खिविऊणं कयसंकप्पा मया तत्थ ॥५०९६।। ता कहसु मज्झ भयवं ! जणओ जणणी य कत्थ जायाइं ? । चिटुंति कहं ? किं वा परोप्परं ताई मिलियाई ?' ||५०९७।। तो भयवया असेसं दोण्हं पि हु ताण जणणि-जणयाण । कोलुदुर-मज्जारी-अहि-नउलाईसु जम्मेसु ।।५०९८।। जं जं वित्तं जं जं च पावियं तेहिं कम्मवसरोहिं । जं च कयं ताण मए नीसेसं वित्थरसमेयं ।।५०९९।। तं तेण ताव कहियं जा 'पुत्तो अहं तुह महाभाग ! । सिरधरनामा साहू बीओ गंगाधरो सो वि ॥५१००॥ इह चेव माहविलयामंडवतलफासुयाए भूमीए । झाणट्ठिओ महप्पा चिट्ठइ कम्मक्खउजु(ज्जु)त्तो' ।।५१०१।। तो तं मुर्णिदकहियं जणणी-जणयाण वइयरमसेसं । सोऊण मणे जालो अहिययरो मज्झ संवेओ ।।५१०२।। पजलंतो इव दिट्ठो संसारो तब्भयं च संजायं । 'कह वा नित्थरियव्वं बहुपाणिवहुब्भवं पावं ?' ||५१०३॥
31
Jain Education International
For Private & Personal Use Only
www.jainelibrary.org
