________________
४६४
सिरिभुयणसुंदरीकहा ॥
'भयवं ! जं जह दिट्टं तुमए अइविमलनाणनयणेण । तं तह मए असेसं जाईसरणेण सच्चवियं ।।५०८२ ।। सो च्चेय अग्गिमित्तो सुसाहुजणनिंदि (द) ओ अहं पावो । एसो च्चिय मह भाया विण्हुमित्तो महाराओ ||५०८३ || एसा वि य जयदेवी कंतिमई इह भवे समुप्पन्ना । जिस्सा कए इमे च्चिय दो वि मए वहिउमादत्ता ||५०८४ ॥ ही जुयइनिमित्तं अयाणमाणेण पावकम्मेण । कह मारिउमादत्तो जेट्ठो भाया य नत्तू य ? ||५०८५ || कह नाम वंदणीयं जणणिं पिव जेट्टभायरकलत्तं । भुंजामि महापावो अन्नाणविमोहिओ मूढो ||५०८६ ॥ कह तेत्तियमेत्तस्स वि मुणिनिंदामेत्तदुकयकम्मस्स । जस्सेत्तिओ विवाओ पच्चक्खो मज्झ संजाओ ||५०८७ || किमि-सुणय-सपाग-किमी - सूयर - चंडाल - सुणय- चोरेसु । आइमबंभणजम्मे अइविसमं पावियं दुक्खं' ||५०८८ || तो नरवय (इ) णो य तहा कंतिमईए य तक्खणं जायं । पुणरुत्तचोरवन्नियवइयरओ जाइसरणं पि ||५०८९|| तो तिहं पि हु ताणं जाईसरणेण जायसंवाए । 'अवितहवाइ' त्ति ममं मुणिवयणे निच्छओ जाओ ।।५०९०|| 'जह एस मुणी नाणेण वइयरं जाणए इमाणं पि ।
मह जणणी - जणयाण वि वइयरमेसो तहा मुणिही' ।। ५०९१ || इय चिंतिऊण भणिओ मए मुणी 'जयपईव ! मुणिनाह ! । मह पुव्वमासि जणओ चंडसम्मो त्ति नामेण ।। ५०९२ ।।
Jain Education International
For Private & Personal Use Only
www.jainelibrary.org
