________________
४५६
सिरिभुयणसुंदरीकहा ॥ तो मुणिवरेण भणियं 'कुसलं तुह चंदउत्तनरनाह! । मा किंपि मणे झूरसु तुमं पि संगमय ! भज्जत्थे ॥४९९४।। जीवाण भवावत्ते नियकम्मवसेण परियडंताणं । तं कज्जं संपज्जइ लज्जिज्जइ जं कहतेहिं ।।४९९५।। अन्नह चिंतइ जीवो कज्जं पुण अन्नहा समावडइ । जं चिंतंताण मणे जायइ गरुओ चमक्कारो ॥४९९६।। सव्वन्नू(न्नु) मोत्तूणं को भवपरमत्थवित्थरं मुणइ ? । वैधम्मिणो य अन्ने तमन्नहा संपवज्जंति ।।४९९७।। कुसमयमोहियचित्ता अनायपरमत्थधम्मसब्भावा । अजहत्थं पि हु धम्मं जहत्थमिव ते पवज्जति ॥४९९८।। तो ताण सो कुधम्मो अणुचिन्नो वि हु अणेगभेएहिं । परलोए सो विहडइ कुसहाओ समरकाले व्व ॥४९९९।। अपरिक्खगपहिएणं हिरण्णबुद्धीए रीरिया गहिया । जह विहडइ पज्जंते तह जाणसु ते कुधम्मा वि ॥५०००। इह जे पवाहपडिया अपरिक्खियधम्मगाहगा होति । पावंति न तस्स फलं तुम्हे च्चिय एत्थ दिटुंतो' ॥५००१॥ तो नरवइणा भणियं 'कहमम्हे दो वि एत्थ दिद्रुतो । काऊण करुणभावं तं साहह अम्ह नीसेसं' ।।५००२।। तो भणइ देवगुत्तो ‘नरिंद ! जइ तुम्ह कोउयं अत्थि । तो सावहाणचित्ता आयन्नह एस साहेमि ।।५००३।। इह वाराणसिनयरीए आसी राया महिंदसीहो त्ति । तस्स पहाणा भज्जा नामेणं आसि मयणसिरी ।।५००४।। १. पित्तल ॥
-
Jain Education International
For Private & Personal Use Only
www.jainelibrary.org
