________________
४१६
तो देव ! वीरसेणो परक्कमी बुद्धि- दैवसंपन्नो । वेयोभयसेढीखयरिंदसहायसंजुत्तो ॥ ४५५४ ॥ वस्सिंदिओ अवसणी सुयणो चाई कयन्नुओ वीरो । माइगुणसमेओ विग्गहणिज्जो न सो सत्तू ||४५५५ || समविक्कम-सेन्नसहायसंजुए होइ विग्गहो जुत्तो । अहिए रिउंमि नरवर ! संधाणमवस्स कायव्वं' ||४५५६ | सोऊण मंतिवयणं नरसीहो रोसतंबिरनिडालो । साहिखेवं वयणं विमलमई भणिउमाढत्तो ॥ ४५५७ ।। 'नियजाइपच्चएणं पायं बुद्धीओ होंति पुरिसस्स । अहमुत्तिम-मज्झाणं तव्विहयियाणुसारेण ॥। ४५५८ ।। जे तंमि वीरसेणे नियमइपरिकप्पिया गुणा तुमए । मह असिकसवट्टो च्चिय ताण परिक्खं रणे काही ||४५५९॥ विमलमइ ! तुह मईए अम्हे सरिसा वि तेण न भवामो । अम्हाण व अहियगुणो वियप्पिओ सो तए - सत्तू ||४५६० ॥ तेणेव कारणेणं तेण समं समहियप्पहावेण ।
सिरिभुयणसुंदरीकहा ॥
सव्वारंभेण मए कायव्वो विग्गहो अवस्सं (विग्गहोऽवस्सं ) ||४५६१।। लज्जावहो जओ वि हु हीणे सरिसे व्व होइ सत्तुंमि ।
छज्जइ पराजयो विहु भुवणब्भहियंमि पुण तंमि' ||४५६२ || इय भणिऊणं राया समुट्ठिओ रोसवसफुरंतोट्टो | अत्थाणे ठाऊणं आइसइ असेससामंते ||४५६३॥ 'रे सामंता ! तुरियं पउणा होऊण अज्ज पुरिबाहिं । नियगुडुराई घेल्लह न विलंबो एत्थ कायव्वो ||४५६४।।
Jain Education International
For Private & Personal Use Only
www.jainelibrary.org
