________________
३७५
सिरिभुयणसुंदरीकहा ॥
जइ पुण खयरेहिं(हि) समं बंधिज्जंतो रणमि जुज्झिह(हिं)इ । तो सो जयं लहिस्सइ न उणो मित्तेण संजोयं ॥४१०३।। जइ पुण तत्थ न जुज्झइ तो ते तं बंधिउण जलहिंमि । सेले विसालसिंगे नेह(हिं)ति खणद्धमेत्तेण ॥४१०४॥ तत्थ य सुमित्तजोगो होही अइभीसणो महासमरो । जयलच्छिसमालिंगियमित्तजुओ इह पुरे एही' ॥४१०५।। इय एवं भणिऊणं विरए सैवे मए वि चिंतवियं । 'को एत्थ पच्चओ किर एयस्स परुक्खवयणेसु?' ॥४१०६।। जाव अहं नियचित्ते एवं चिंतेमि ताव सीसो वि । पुच्छइ गुरुं ‘क एसो पुरिसो? को तस्स वा मित्तो ?' ||४१०७।। तो देव ! मए चित्ते परिचिंतियमेत्थ पच्चओ होही । जइ मह नामं एसो साहिस्सइ अहव मित्तस्स' ॥४१०८।। तो सीसो सैवेणं मणिओ ‘सो एस बंधुयत्तो त्ति । मित्तो वि वीरसेणो इमस्स जो भुवणविक्खाओ ॥४१०९।। अच्चुत्तमखत्तियगोत्तसंभवा दो वि विक्कमरसड्ढा ।। अइनिम्मलजसधवलियदियंतराला महासत्ता' ॥४११०।। तो देव ! सरहसमणो सोउं तं तत्थ मढदुवारंमि । अत्थुरणं काऊणं खणमेत्तं संठिओ अहयं ।।४१११।। इय एवं आलावं काऊणं ते वि निब्भरं सुत्ता । एत्थावसरे नरवर ! दुजाममेत्ता गया रयणी ।।४११२।। तो. हं कयप्पणामो गुरु-देवाणं विणिग्गओ तम्हा । एत्तो उद्धं तुमए निसुयं विज्जाहराहिंतो'।।४११३।।
Jain Education International
For Private & Personal Use Only
www.jainelibrary.org
