________________
३७६
सिरिभुयणसुंदरीकहा ॥ तो भणइ वीरसेणो ‘साहु कयं मित्त ! जुज्झियं जं न । पुरिसा वीरेक्करसा पत्थुयकज्जाइं नासंति ॥४११४।। न परक्कमं हि गुणिणो बुद्धिविहीणं जहा पसंसंति । बुद्धिं पि तह न मन्ने सलहंति परक्कमविहीणं ।।४११५।। सो सुहडो न पयंगो आवट्टइ जो जडो पईवे व्व । अपसाहियपहुकज्जो निक(क)ज्जं वैरिखग्गंमि ॥४११६।। ता मित्त ! तए असमयपरिहरियपरि(र)क्कमेण बुद्धिमया । समयकयविकुमेणं सव्वं मह साहियं कज्जं' ॥४११७।। इय कुमर-बंधुयत्ता दो वि समं विहियबहुविहालावा । लंघियगयणद्धाणा चंदउरं तक्खणं पत्ता ॥४११८॥ ता सत्थवाहपुत्तं तंमि समुत्तारिऊण नियगेहे । अपमाणरयणकंचणभूसणपरिपूरिए ठवइ ।।४११९।। तो पुरओ संपेसियससिसेहरकहियकुमरवुत्तंतो । उव्वूढहरिसपुलओ विचित्तजसनरवई जाओ ॥४१२०॥ कुमरागमणमहारससंजीवणिजायजीयपच्चासो । पढमूसासमिसेण व नीणेइ जणो मणदुहाई ॥४१२१।। को ज़ाणिही गुणाणं ? ति सिढिलिया जेहिं किर गुणाबंधा । तस्सागमणे जाया ते च्चेय गुणप्पिया गुणिणो ॥४१२२।। जे च्चिय उव्वेययरा तस्विरहुव्वेवियाण लोयाण । ते च्चिय नयरपएसा संजाया पयइरमणीया ।।४१२३।। आउ त्ति पढमनिसुए चिरविरहविमद्दनीसहाओ वि । तरुणीओ तक्खण च्चिय सिंगारमयाओ जायाओ ।।४१२४।।
Jain Education International
For Private & Personal Use Only
www.jainelibrary.org
