________________
३७४
संबोहिओ वि तइया बहुविहवयणेहिं राय-मंतीहिं ।
तह वि न मणंमि जाओ मह संतोसो तुह विओए ||४०९२ ।।
*
सिरिभुयणसुंदरीकहा ॥
पडिभवणं पडिपुरिसं पडिजुवइं तुह विओयसंजायं । विरहानलपजलंतं नयरं मह कुंभिपाओ व्व ॥ ४०९३ ॥ किं अन्नं? विरहानलजलंतजणसंगतत्तसलिलोहा । गोलाई वि मन्ने तुह दुक्खे दुक्खिया जाया ||४०९४ ।। तोऽहं तहासरूवं नासिकं पेच्छिउं म (अ) पारंतो । अगणियनरिंदवयणो नीहरिओ अन्नदियहंमि ||४०९५ ।। अत्थंगयंमि सूरे घणकज्जलबहलतमदुसंचारे । पुरबाहिरंमि पत्तो करधरियकरालकरवालो || ४०९६ ।। तो नयरदाहिणावरदिसाए एगं मढं गओ अहयं । झंपियदारंमि तहिं काणं पि[य] निसुमिओ सद्दो ।।४०९७ ।। तो निहुयपयपयारं दारे ठाऊण जाव निसुणेमि । ताव जरजज्जरेण भणियं एक्केण सैवेण ॥ ४०९८ ॥ 'रे रे चेल्लय ! उट्ठसु मह वयणं सुणसु मुंच रे ! निद्दं' । कयकलयलेण गुरुणा पडिबोहिओ चेल्लओ भइ || ४०९९ ।। ' राउल ! देहाऽऽएस' भणइ गुरु (रू) 'त (तु) ह कहेमि अच्छरियं । चिट्ठइ मढस्स बाहिं मित्तविउत्तो नरो कोवि ||४१००|| सो जइ एत्थावसरे वीसमिऊणं दुजामनिसिमेत्तं । वच्चइ तइए जामे तो पावइ वंछियं अत्थं ||४१०१ ॥ जं निग्गओ गिहाओ कुमुहुत्तेणं च तस्स फलमेयं । खयरेहिं बंधिऊणं समुद्दसेलंमि निज्जिह (हि) इ ||४१०२ ।।
Jain Education International
For Private & Personal Use Only
www.jainelibrary.org
