________________
३५०
सिरिभुयणसुंदरीकहा ॥ तो जाव खग्गविसयं न जाइ सो ताव वीरसेणेण । भिच्चो व्व अकिंचिकरो परिहरिओ तक्खणे खग्गो ॥३८२८॥ तो सेहरो वि तुरियं खग्गं मोत्तूण धरइ चरणेसु । कुमरं भमाडयंतो उप्पइओ गयणमग्गंमि ||३८२९।। तो निसुणंतो कुमरो ‘हा हा' सदं समक्खममराण । तस्स भुयंते पविसइ निच्छुट्टइ धरइ तं चरणे ।।३८३०॥ धरिऊण एगचरणे बीयकरेणं च जा किर कुमारो । च्छुरियाए हणइ ता सो 'नमो जिणाणं' ति उच्चरइ ।।३८३१।। तो तं अदीणहिययं सेहरयं सरियजिणनमोक्कारं । साहम्मियं ति नाउं सो ‘मिच्छा दुक्कुडं' भणइ ॥३८३२।। तो समयं धरणियले अवयरिओ सेहरेण सह कुमरो । आसासेंतो सदयं खयरगणं बंधुयत्तं च ॥३८३३।। तो तक्खणेण गयणे सुरकिंकरताडिओ समुच्छलिओ । 'जय जय'सर्दुमी(म्मी)सो अइगहिरो दुंदुहीसद्दो ॥३८३४।। नवपारियायमंजरिसुयंधरयपडलपूरियदियंता । तियसेहिं कुसुमवुट्ठी पामुक्का वीरसेणंमि ।।३८३५।। अह निक्कारिमपोरुसगुणरंजियमाणसेहिं तियसेहिं । सव्वेहिं वीरसेणो पसंसिओ पुलइअंगेहिं ।।३८३६।। एत्थंतरे निरंतरतिरोहियासेसनहयलुद्देसं । तव्वेलमेव पत्तं सयलं पि बलं असोयस्स ॥३८३७।। दठूण वीरसेणो सेन्नं विज्जाहराण गयणंमि । वैरिबलं ति मुणंतो कोदंडं करयले कुणइ ।।३८३८।।
Jain Education International
For Private & Personal Use Only
www.jainelibrary.org
