________________
२६३
सिरिभुयणसुंदरीकहा ॥
अहिलसइ जहा पुरिसो विसए तह चेव तिरियजीवो वि । ता नायं पसुधम्मा विसया कह सेवए देवो ? ॥२८७४॥ जुझंति कोहवसगा आउहहत्था नरा तहा तिरिया । इय पसुधम्मो कोहो कह सो देवस्स संभवइ ? ||२८७५॥ अह होंति राग-दोसा देवस्स वि ता न याणिमो अम्हे । देवाणं पसूणं पि य सुहुमं पि तयंतरं एत्थ ॥२८७६।। तम्हा गय-चक्क-तिसूल-धणुहहत्थाण कह णु देवत्तं ? | आउहचिण्हपयासियकोहाण भवाभिनंदीण ? ॥२८७७।। ता सव्वन्नू देवो पसत्तकिरिओ पसंतरूवो य । आराहिज्जइ सययं असेसकम्मक्खयनिमित्तं ॥२८७८॥ आराहणाउवाओ तस्स ससत्तीए वनिओ समए । अच्चंतभावसारं तस्साणासेवणं जमिह ॥२८७९॥ तं नत्थि भुयणमज्झे पूयाकम्मं न जं कयं तस्स । जेणेह परम आणा न खंडिया परमदेवस्स ।।२८८०॥ आणाखंडणकारी जइ वि तिकालं महाविभूईए । तं पूयइ गयरायं सव्वं पि निरत्थयं तस्स ॥२८८१।। जह कीरंती आणा होइ सुवेज्जस्स वाहिखयहेऊ ।। आरोग(ग्ग)सुहफलो तह जिणाण आणा वि एमेव ।।२८८२।। गुरुकम्मवाहिनासं अच्चंताबाहसुहमहारोग्गं । तित्थयराणं आणा कीरंती कुणइ भवियाणं ॥२८८३।। आणा जिणाण एसा जम्म(म)णुट्ठाणं विसुद्धधम्मस्स । सो वि जिणेहिं भणिओ चउप्पयारो जहाकमसो ॥२८८४॥
Jain Education International
For Private & Personal Use Only
www.jainelibrary.org
