________________
२६४
पढमो दाणसरूवो बीओ उण विमलसीलनिम्माओ । तइओ (य) तवोमइओ भावणमइओ चउत्थो य ||२८८५ || एसो असेससुहमयविसेससुहुमत्थसंगओ धम्मो । तित्थयराणं आणा विसेसओ पालणीया यं ॥ २८८६ ॥ तस्साणापरिवालणफलमेयं तेहिं चेव परिकहियं । वरदेवलोयगमणं तत्थ य नाणाविहा भोया ||२८८७ || दिव्वच्छरपरिवारो दिव्वविमाणाइं दिव्वरिद्धीओ । सुहसागरावगाढो अच्छइ बहुसागराऊसो ॥२८८८॥ चइऊण देवलोया उप्पज्जइ जाइ - रूव कुलकलिओ । दीहाऊ रिद्धिजुओ सुपुन्नफलभायणं पुरिसो ॥ २८८९ ।। उवभुंजइ वरभोए वियक्खणो लद्धपरमधम्मो य । चारित्तधम्मजुत्तो अइरा सिद्धिं पि पावेइ ॥ २८९० ।। इय तस्स समाराहाण - फलमिह भणियं मए समासेण । अणुसेविऊण एयं पावह तुम्हे वि परमपयं' ||२८९१ ॥ आयन्निऊण एयं रक्खस - नरनाह - नयरलोएहिं । तक्खणमेत्तविहाडियदुरंतगुरुमोहपडलेहिं ॥२८९२ ॥ निहयअकज्जासेवण-अन्नाणमहंधयारनिवहेहिं ।
सिरिभुयणसुंदरीकहा ॥
आविब्भूयनिरंतरविसुद्धसमत्त (सम्मत्त) भावेहिं ॥ २८९३ ।। सिरिधरियकरयलंजलि-वुड हें नमिऊण परमभत्तीए । सव्वेहिं मुणी भणिओ 'इच्छामो तुम्ह अणुसट्ठि' ||२८९४|| तो रक्खसेण भणिओ अकलंको केवली इमं वयणं । 'भयवं ! नाणदिवायर ! संदेहं मज्झ अवणेसु ||२८९५ ॥
Jain Education International
For Private & Personal Use Only
www.jainelibrary.org
