________________
२५८
सिरिभुयणसुंदरीकहा ॥ पयईए सुह-पवित्ते उवविठ्ठो ताण पायमूलंमि । समणुनाओ पुट्विं मुणीहिं संभासिओ तयणु ।।२८१९।। एत्थंतरंमि सयलो समागओ पुरजणो नरवई वि । उवसामियरक्खसनिसुणणेण आणंदपुलियंगो ।।२८२०।। 'अहह ! महच्छरियमिणं आणंदाओ विऽम्ह(अम्ह)संजाओ । परमाणंदो एसो जं दिट्ठा साहुणो एए ॥२८२१।। एयाए कारणं किर कल्लाणपरंपराए रायसुओ । कहमन्नहा निसायरउवसामो परममुणिलाहो ?' ||२८२२।। इह एवं चिंतंता संपत्ता साहुसंनिहाणंमि । पहरिसपुलिइयगत्ता कुणंति तिपयाहिणपणामं ।।२८२३॥ नमिऊण केवलीणं पयकमलं नरवई जणवओ य । उवविसइ रुद्धवसुहा-वित्थारो थिरपसन्नमणो ॥२८२४।। तो कहइ मुणी धर्म जलहरगंभीर-धीरसदेण । रक्खस-कुमर-नरवइ-पुरजण-देवासुराईण ॥२८२५।। आयन्नह एक्कमणा हियए आयन्निऊण धारेह । तह चिंतह अप्पाणं जह सुहिया होह सयकालं ॥२८२६।। इह होइ महाकहें अन्नाणं नरयपडणफलमेयं । अन्नाणहया जीवा जुत्ताजुत्तं न याणंति ॥२८२७।। अइसंकिलिट्ठकम्माण कारणं संकिलिट्ठकम्मकयं । कयसंकिलिट्टचेटुं अन्नाणं होइ जीवाण ॥२८२८।। अन्नाणमेय(व) जायइ अवयारपरो जणस्स इह सत्तू । तं नत्थि जं न दुक्खं अन्नाणं कुणइ जीवाण ।।२८२९॥
Jain Education International
For Private & Personal Use Only
www.jainelibrary.org.
