________________
२५७
सिरिभुयणसुंदरीकहा ॥
ठवियं च जच्चकंचणनिम्मवियं कमलजुयलमकलंको । निम्मलमुणी जहकममुवविठ्ठा तेसु ते दो वि ॥२८०८॥ देवेहिं ताण उवरिं कंचणदंडं सियायवत्तदुगं । धरियं निम्मलमोत्तिय-मणि-रयणपलंबिरोऊलं ॥२८०९।। इय एवं नीसेसं सुरनिम्मवियं विसेससक्कारं । दठूण वीरसेणो परियप्पइ नियमणे एवं ॥२८१०॥ अकलंक-निम्मलमुणी एए ते चिंतिया य पत्ता य । उप्पन्नं एएसिं केवलनाणं ति मन्नामि ॥२८११।। कहमनहा सुरासुर-विज्जाहरनियरचलणकयसेवा । केवलनाणपहावा कंचणकमलंमि चिट्ठति ? ॥२८१२।। ता कयपुन्ना एए सकयत्थं कयमिमेहिं मणुयत्तं । सुविसुद्धचरणलाहो एएसिं चेव संजाओ ॥२८१३॥ उम्मूलियं असेसं कम्मवणं नित्थओ भवसमुद्दो । तीयाणागयविसयं उप्पन्नं केवलं जेसिं ॥२८१४।। इय चिंतंतो कुमरो संपत्तो ताण पायमूलंमि । रक्खससंपाडियपुफ(प्फ)माईओ कुणइ वरपूयं ॥२८१५।। संपूइऊण य तओ काऊण पयाहिणं च तिक्खुत्तो । रक्खससहिओ पणमइ संथुणइ य परमभत्तीए ॥२८१६।। 'नमिमो पयडियतिहुयणकेवलवरनाणलद्धरयणाण । उव्वरियभुयणमंदिरधारणखंभाण व तिकालं' ॥२८१७॥ इय थोऊण कुमारो सरक्खसो परमभत्तिसंजुत्तो ।
पुणरुत्तवराविलुलियसिरमउली(?) पणमइ मुणीण ॥२८१८॥ .. टि. १. 'पुणरुवराविलुलियसिर० ॥ ला. प्रतौ ॥
118
Jain Education International
For Private & Personal Use Only
www.jainelibrary.org
