________________
२५०
सिरिभुयणसुंदरीकहा ॥ जा जाइ तत्थ वीरो ता पेच्छइ रक्खसाहिवं पुरओ । नाणापिसायपरिसापरियरियं भीसणायारं ॥२७३१॥ उव्वत्तणेण रेहइ अतित्तमिव माणुसामिसरसेण । उड़े च विवढंतं तारायणभक्खणासाए ॥२७३२।। चम्मट्ठिसेसमेत्तं मुक्त वस-देह-मंसनिवहेहिं । अइमंसलंपडत्तणभीएहिं व सव्वगत्तेसु ॥२७३३।। अइगहिरजढरखाणीसंढियकिण्हाहिभीसणसरूवं । परिसडियसयलसाहं सकोडरं सुक्करुक्खं व ।।२७३४।। सठूलचम्मनिवसणमइघोरभुयंगभीसणाभरणं । परिवत्तियन्नरूवं जम्मं(मं) व भुवणस्स भयजणयं ।।२७३५।। नरवइदिन्नं पुरिसं घेत्तुं केसेसु वेविरसरीरं । भयतरलदीणवयणं खिवंतमवणीए रोसेण ।।२७३६।। तं दद्रूण कुमारो पिसायरायं दयाए तुरियगई । वेगेण समणुपन्नो तस्स समीवं इमं भणइ ।।२७३७।। 'हा!रक्ख रक्खसाहिव ! मा मारसु तुह भएण मयमेयं । भीयपरित्ताणेणं गरुयत्तं होइ गरुयाण ॥२७३८।। जं दिज्जए एत्थ भवे परलोए तं लहेइ सविसेसं । दुक्खं देंतो दुक्खी सुहं च देंतो सुही होइ ।।२७३९।।
अइदुब्बलंमि भीए सरणविहीणमि निरवराहमि । . करुणाठाणे जायइ न निग्घिणत्तं विसिट्ठाण ॥२७४०।।
एत्थंतरंमि सोउं अक्खुहियकुमारथिर-पसन्नगिरं । 'को एस'त्ति सकोवं कुमारसमुहं पलोवेइ ।।२७४१।।
Jain Education International
For Private & Personal Use Only
www.jainelibrary.org
