________________
सिरिभुयणसुंदरीकहा ॥
तत्थ वि गुरुप्पयावो राया सिरिरयणसेहरो नाम । भज्जा से रयणवई गुणरयणविहूसियसरीरा ।। २३९१ ।। अह रायदंसणत्थं नाणामणि- रयण-वत्थसंजुत्तं । ढोयणियं घेत्तूणं रायगिहं आगओ भो ॥२३९२ ॥ दिट्ठो तेण नरिंदो परमपसाएण तस्स नरवइणा । परिहरियं नीसेसं सत्थस्स वि सुंकमाईयं ।। २३९३ ।। अन्नदिणे नरवइणा भद्दस्स गिहे पओयणवसेण । संपेसिएण दिवं सुयजुयलं रायपुरिसेण ॥२३९४।। सुव्वत्त (न्त ?) वन्नकमफुडपाढं दट्ठूण तमुभयं सो वि । नरवइणो नीसेसं कीरसरूवं परिकहेइ || २३९५|| तो रायिणा वि तुरियं भदं सद्दाविऊण सप्पणयं । मग्गियमुभयं तेण वि भणियं बाहोल्लनयणेण ॥२३९६ ।। 'तुज्झ अलंघं वयणं सुयजुयलं पि हुं अईव मह इट्ठ । सो अज्ज महं जाओ इह केसरि-दोत्तडीनाओ !' | २३९७ ।। तो नाउं अणुबंधं नरवइणो तेण भइसेणेण । आणाविऊण लहुओ दिन्नो कीरो नरिंदस्स ।। २३९८।। आगयमेत्तेणं चिय सुएण जयकारिओ महाराओ । पच्छा फुडवियडक्खरचाडुसरूवं पढइ गाहं ।। २३९९ ।। 'अणवरयं चिय निसुणसु नरिंद ! बंदीकयाण अत्थाणे । अम्हाण चाडुयसए रायसुयाणं अभद्दाण' ॥२४०० ॥ तं सोऊण नरिंदो हरिसवसुप्फुल्ललोयणो सहसा । कोऊहलेण पुच्छइ 'कुसलं तुह कीर ! सव्वदिणं ?' || २४०१ ॥
Jain Education International
·
For Private & Personal Use Only
२१९
www.jainelibrary.org
