________________
१६२
य ? |
सिरिभुयणसुंदरीकहा ॥
पुट्ठो कुसलोदतं कुमरो वि य ताण कहइ नियकुसलं । पुच्छइ कत्थ पएसे भयवं ! तुम्हासमो एत्थ ? ।।१७६३ । तो तावसेहिं कहिओ एत्तो जजमाण ! नाइदूरम्मि । अम्हाण आसमपओ तत्थच्छइ कुलवई अम्ह || १७६४|| तो तावसजणपयडिय - मग्गेणं जाइ आसमपयम्मि । पणमइ गंतूण तओ कुलवइणो परमविणएण || १७६५ ।। कुलवइणा वि ससंभम सप्पणय- सगौरवेहिं वयणेहिं । आनंदिओ कुमारी जहत्थआसीसदाणेण ॥१७६६ ।। दिन्नासणोवविट्ठो परिपुट्ठो कुसलवट्टमाणं वि । सो भइ तुह पसाएण कुसलमेवम्ह सयकालं ।।१७६७।। असरिससरीर-सोहग्ग-रूव-लावन्नलडहसव्वंगो ।
दिट्ठो तावस- तावसि जणेहिं संजणियअच्छरिओ ।।१७६८। तं अच्चब्भुयभुवणेक्क-भूसणब्भूयभव्वयाकलियं । दठूण पुलइयंगो अह चिंतइ कुलवई एवं ।।१७६९ ।। दंसणमेत्तेणं मह इमस्स विप्फुरइ दाहिणं चक्खुं । रोमंचिज्जइ अंगं नीणइ अच्छीसु बाहोहो ।।१७७० ।। ता किं कारणमिह संभवेज्ज ? न य पुव्वपरिचओ ताव । याणि य पायं अवितहाणि मह तणुनिमित्ताणि ॥१७७१ ॥ तो कुलवइणा भणियं पुत्तोव्व पिओ सिणिद्धबंधुव्व । निक्कारिमो व्व मित्तो आणंदसि कुमर ! दिट्ठो वि ।।१७७२ ।। ता कहसु को तुमं ? कत्थ वससि ? के तुज्झ जणणि-जणया
Jain Education International
For Private & Personal Use Only
www.jainelibrary.org
