________________
सिरिभुयणसुंदरीकहा ॥
१६३
किं च कुलं ? किं नामं ? असेसनियवइयरं मज्झ || १७७३ || तो भणइ वीरसेणो नाहं परमत्थओ वियाणामि ।
मह जणणीओ असेसं भयवं ! जाणंति परमत्थं ॥१७७४ ।। तो भइ कुलवई पुण तुह काओ कुमर ! एत्थ जणणीओ ? । कुमरपरिग्गहमज्झे (ज्झा ? ) ता भणियं एगदेवेण ।।१७७५ ।। भयवं ! किं तुह देवाण वइयरेणं वियाणिएणावि ? । न कयाइ वि देवाणं अंतोसुद्धी करेयव्वा ||१७७६ || तो कुमरेण भणियं भयवं ! तुह मज्झदंसणुब्भूओ । जो पसरइ आणंदो तत्थ इमं कारणं होही ।।१७७७ ।। जम्मंतरसंगयगरुयपेम्मसंभारभावियमईणं ।
दिट्ठमि भवंतरसज्ज ( ज ? ) णम्मि आणंदए हिययं ||१७७८ ॥ अहवा जइणो तुभे मेत्ती सव्वेसु तुम्ह सत्तेसु । नियपयईए वियंभइ सव्वत्थ वि सकरुणं चित्तं ।।१७७९ ।। एवं साहारणमाणसाण समसत्तु - मित्तचित्ताण ।
मह विसए कह जायं साहसु करुणापरं हिययं ? ।।१७८० ।। ता कहह नियसरूवं जइ उचियं होइ कहणजग्गा वा । अम्हे, ता काऊणं पसायमइकोउयपराण || १७८१ ।। तो अब्भंतरपसरंतमन्नुभरभरियगलसिराजालो । गुरुदुक्खं पयडंतो सगग्गयं कुलवई भणइ ।।१७८२ ।। किं पुत्त ! तुह कहिज्जइ लज्जिज्जइ जं सयं कहतेहिं । निम्मज्जायस कज्जावहं च चरियं मह निसंसं || १७८३ || जइ विहु लज्जावणयं जइ वि हु जणनिंदणीयमच्चत्थं ।
Jain Education International
For Private & Personal Use Only
www.jainelibrary.org
