________________
१४१
सिरिभुयणसुंदरीकहा ॥
अह सुपसत्थे दियहे पसत्थलग्गम्मि सोहणमुहुत्ते । देवी सुहंसुहेणं सुयं पसूया महातेयं ।।१५३२।। एत्थंतरम्मि सहसा पसरंताणंदगरुयसंमद्दो । अंतेउरनारीणं समुट्ठिओ कलयलो तत्थ ।।१५३३।। तो हिययनिव्विसेसा सिंगारवईए धाविदिकरिया । वच्चइ नरिंदपासे कल्लाणसिरि त्ति नामेण ||१५३४।। नरनाह ! रिद्धिया वद्धसे त्ति देवीए पुत्तजम्मेण । राया वि निसुयमेत्ते वत्थाहरणाई से देइ ।।१५३५।। तो तम्मि चेव समए समागओ जोइसत्थपारगओ । अइरिदियदिन्नाएस-सहसनियपयडियपहावो ।।१५३६।। तीयाणागयसंपय-पयडत्थहत्थसुणियगंथत्थो । नामेण सिद्धचंदो दिन्नासीसो भणइ एवं ।।१५३७।। देव ! सुणिज्जइ एवं पुराणसत्थेसु सगुणनिदोसो(से?) । एवंविहम्मि लग्गे सुभूमिचक्की पुरा जाओ ।।१५३८।। पढमं तुच्छकिलेसं पुरओ परिणामसुंदरं एयं । लग्गं साहइ कज्जं जम्मि सुओ तुज्झ उप्पन्नो ||१५३९।। एत्यंतरम्मि सहसा अणाहया चेव तार-गंभीरा । वज्जति दुंदुहीओ संखा वि य अकयमुहनाया ।।१५४०।। पहयपडुपडह-मद्दल-मउंद-घण-तूरपडिरवमिसेण । दिसिवालेहिं वि मन्ने जम्ममहे कलयलो विहिओ ।।१५४१।। मुत्तोव्व पुनरासी संतुदयकरो पुरोहिओ पत्तो । कुलवुड्डाओ वि समयं पमोयगब्भाओ पविसंति ।।१५४२।।
Jain Education International
For Private & Personal Use Only
www.jainelibrary.org
