________________
१३०
जो पुव्विमवन्नालहुयहिययसंभावणाए परिकलिओ । सोच्चेय तीइ विप्पो मेरुसमो कुमरनामेण ॥ १४११ || तंबोलदाणपुव्वं विलासलच्छीए सो पुणो पुट्ठो ।
सो कस्स सुओ ? कम्हा समागओ ? किंगुणो कुमरो ? || १४१२ ॥ इय एवमाइ सव्वं साहसु चरियं सकीयकुमा (म) रस्स । पणिय (इ) विप्पो निसुणह तद्दे ( दे ) कुचित्ताओ पहुचरियं ॥ १४१३॥ उप्पज्जंति पयाणं पुन्नेहिं जयम्मि केइ सपु ( प्पु ) रिसा । मेहव्व जेहिं भुयणं पल्हायइ निहयसंतावं ।।१४१४।।
सिरिभुयणसुंदरीकहा ॥
इह भारहम्मि वासे चंपानामेण अत्थि वरनयरी | तत्थत्थि जियविवक्खो राया सिरिसूरसेणो त्ति || १४१५ || जो वैरिनरिंदकरिदं केसरी अइपयंडभुयदंडो । रिउकित्तिवल्लिवित्थर-निकुट्टण (णा)कड्डिी(ढि)णपरसुव्व ॥ १४१६|| जेण समरंगणेसुं दूरं विद्दवियवैरिवग्गेण ।
नियखग्गे संकंतो सरोसमिव जोइओ अप्पा ||१४१७ || जस्स जणे पयडिज्जइ बंदीकयविविहवेर (रि) नारीहिं । दुव्विसहगुरुपयावानलस्स विसमं परिप्फुरणं ॥ १४१८ || तस्सत्थि पुव्वजम्मा - णुसंगसंबद्धनिब्भरसिणेहा । सिंगारवईनामं भज्जा गुण - संवसंपन्ना ॥१४१९।। सयलंतेउरपमुहा रूवोहामियसुरंगणारूवा । गुण-सीलवराभरणा उत्तमकुलजाइसंपन्ना || १४२०|| रज्जं विहवं रूयं सामित्तं गुरुगुणा य सोहग्गं । राया मन्नइ सफलं अणुकूलकलत्तलाहेण || १४२१।।
Jain Education International
For Private & Personal Use Only
www.jainelibrary.org
